ឈ្មោះរុក្ខជាតិ៖ ចេកទេស

លក្ខណៈរុក្ខជាតិ៖ ជារុក្ខជាតិប្រភេទស្មៅ កំពស់ប្រហែល ១-១,៥០ម ឬសមានសរសៃច្រើន។ ស្លឹករបស់វាធំៗរៀវស្រួចសងខាងប្រវែង ៤០ ទៅ៥០សម ទទឹង ២០-២៥សម ស្ទើរគ្មាន ទងស្លឹក។

វិធីធ្វើ និងប្រើប្រាស់៖
-គេប្រើស្លឹក ដើម និងឫស ប្រើស្រស់ ឬស្ងួត
-ដើម និងស្លឹក ស្ងោររំងាស់ហូប ព្យាបាលជំងឺខ្សោយបាក់កម្លាំង

-ដើម និងស្លឹកស្ងួត ដុតបង្ហុយសម្លាប់សត្វល្អិត
-គេស្ងោររំងាស់ឫសវា ៣០នាទី យកទឹកផឹក សម្រាប់បញ្ចេញជាតិពុលពីក្នុងខ្លួន នោមច្រើន និងព្យាបាលរលាកថ្លើមស្រូចស្រាវ។ បុកលាបបំពោកខាងក្រៅ ព្យាបាលស្បែកកខ្ទុះ របួសបោកទង្គិច

-ផ្កាដាំផឹក ព្យាបាលរបួសចេញឈាមខាងក្រៅ
-ពេលខ្លះគេប្រើស្លឹកវាត្រាំទឹក សម្រាប់ឲ្យស្រ្តីមានផ្ទៃពោះគ្រប់ខែ អង្គុយត្រាំជួយបន្ថយការនឿយហត់

-ប្រើក្នុងមួយថ្ងៃកម្រតិ ១៥-៣០ ក្រាមស្ងួត៥០-៩០ក្រាមស្រស់
-ផ្កាស្រស់ ១០-១៥ ក្រាម ស្ងួត ៣០-៤៥ ក្រាម ស្រស់។

**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទ៖ អ៊ាង សុផល្លែត
សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។