ចំណេះដឹងទូទៅ
រូបភាព
ការចិញ្ចឹមមាន់មិនថាការចិញ្ចឹមជាលក្ខណៈគ្រួសារឬកសិដ្ឋានទេការយកចិត្តទុកដាក់ចំពោះមាន់ពូជ(មេមាន់)ជារឿងដែលចិញ្ចឹមទាំងឡាយគួរយកចិត្តទុកដាក់ដើម្បីបានមាន់កាត់តែច្រើន។ខាងក្រោមនេះជាវិធីសង្ខេបត្រួសៗ ក្នុងការញ្ចឹមមេបាមាន់ស្រែអោយទទួលបានទិន្នផលខ្ពស់៖
១-ការអោយចំណី៖ត្រូវលាយតាមក្បួនខ្នាតសំរាប់មេបា អោយសត្វស៊ីបានគ្រប់គ្រាន់ និងទៀងទាត់ ហើយត្រូវគិតពីគុណភាពនៃវត្ថុធាតុដើម ជាពិសេសចំណីមានសារធាតុ៤ចំបាច់សំរាប់មាន់(មានចំណីប្រភេទថាមពល,ប្រូតេអ៊ីន,សាធាតុរ៉ែ
និងពពួកវីតាមីន-ល-)។
២-ការចាក់ថ្នាំវ៉ាក់សាំង៖ក្នុងករណីសត្វមានសុខភាពល្អ គួរប្រើថ្នាំបង្កើនទិន្នផលរយៈពេលមិនអោយលើស៣ថ្ងៃក្នុង១សប្តាហ៍។វីតាមីនប្រើតែពេលព្រឹកនិងពេលថ្ងៃប្រើបង្រ្គប់ជាតិទឹក និងថ្នាំទំលាក់សត្វល្អិតគួរធ្វើរៀងរាល់២ខែម្តង។
៣-ការថែទាំនិងអនាមយ័៖ទ្រុងមាន់គឺជាផ្ទះរបស់មាន់ បោសសំអាតជាប្រចាំ និងមានពន្លឺថ្ងៃគ្រប់គ្រាន់ និងខ្យល់ចេញចូលគ្រប់គ្រាន់វាអាចបង្កើតផលិតកម្មពងបានមួយកំរិត។ប្រសិនបើទ្រុងនោះសើមអាចបង្កើននូវជំងឺ និងប៉ារ៉ាស៊ីតផ្សេងៗ។
៤-មេមាន់ដែលយើងចិញ្ចឹមយកពងមិនគួរដាក់ជាមួយមាន់សាច់ឡើយហើយបារបស់វាក៏មិនគួរផ្លាស់ប្តូរដែរ។
៥-ការចិញ្ចឹមដោយដាក់ក្នុងទ្រុង ដោយមានកំរាលចំបើង លើបន្ទះក្តាឲ្យបានក្រាស់បន្តិច ឬការចិញ្ចឹមដាក់ទ្រុងសំណាញ់ ត្រូវបានគេអនុវត្តន៍យ៉ាច្រើននាពេលបច្ចុប្បន្ន៕
សម្រួលអត្ថបទដោយ៖ អ៊ាង សុផល្លែត
Cr:កសិដ្ឋានចិញ្ចឹមមាន់ ភី អេស
