ឯកសារកសិកម្ម
រូបភាព
-វិធានការការពារ ដែលមានប្រសិទ្ធភាពបំផុតគឺអនាម័យ និងការចាក់ថ្នាំការពារជំងឺសំខាន់ៗមួយចំនួនដូចជា ជំងឺអុតក្តាម ជំងឺសារទឹក ជំងឺឈាមខ្មៅ ជំងឺបូសខ្យល់ឱ្យបានទៀងទាត់រៀងរាល់ឆ្នាំ
-សត្វដែលទើបមកថ្មី ចាំបាច់ត្រូវដាក់ឱ្យនៅដោយឡែកយ៉ាងតិច ពីរសប្តាហ៍ ដើម្បីតាមដានជំងឺមុនពេលបញ្ចូលទៅក្នុងហ្វូង
-ផ្តល់ព័ត៌មានសត្វឈឺ ដល់ភ្នាក់ងារសុខភាពសត្វភូមិ ឱ្យបានទាន់ពេលវេលា ដើម្បីមានវិធានការទប់ស្កាត់ និងព្យាបាលឱ្យមានប្រសិទ្ធភាព
-នៅពេលដែលមានសត្វឈឺ ត្រូវតែបំបែកសត្វឈឺចេញពីសត្វជា ដើម្បីងាយស្រួលក្នុងការព្យាបាល និងកុំឱ្យឆ្លងទៅសត្វដទៃទៀត ចំណែកសាកសពសត្វដែលងាប់ដោយសារជំងឺ ត្រូវតែកប់ឱ្យជ្រៅ ឬដុតចោល ចៀសវាងយកមកបរិភោគ
-កំណត់ការត្រួតពិនិត្យសុខភាពឱ្យបានជាប្រចាំ លើជំងឺដូចជា ជំងឺរបេង ជំងឺ Leptospirosis និងជំងឺ Brucellosis
-សម្លាប់បរាសិតខាងក្រៅយ៉ាងហោចណាស់ក្នុងមួយឆ្នាំម្តង ជាមួយសូលុយស្យុង Asunton ១,៥ ភាគពាន់ ឬ Dipterex ២% ដើម្បីសម្លាប់ ចៃ ដង្កែ ប៉ុន្តែនៅពេលប្រើ Dipterex បរាសិតប៉ុណ្ណោះ ហើយមិនត្រូវធ្វើឱ្យថ្នាំធ្លាក់ ឬជ្រុះចូលក្នុងស្នូកចំណី ឬឱ្យសត្វលិឍគ្នាទៅវិញទៅមកទេ
សម្រួលអត្ថបទ៖ អ៊ាង សុផល្លែត
