ចំណេះដឹងទូទៅ
ព្រាលចន្លុះឬព្រាលខ្សែ ក្រៅពី គេយកធ្វើចន្លុះក៏ជាឱសថព្យាបាលជំងឺបំបាត់ឈឺឆ្អឹង ជំនួយសរសៃ ចេញទឹកដោះ..!!
រូបភាព
ព្រាលចន្លុះឬព្រាលខ្សែ(Colona auriculata (Desv.) Craib.) ជារុក្ខជាតិដែលមនុស្សស្ទើរតែគ្រប់គ្នាបានស្គាល់វា។ដើមវាគេស្តួចលើ ហើយមានស្លឹកតាមដើម នៅពេលព្រាលនេះចាស់បន្តិចទៅ មានដុះមែក ដូចឈើដទៃដែរ ។ដើមវា ធំរហូតដល់ប៉ុនកំភួនជើងក៏មាន តែគេពុំសូវឃើញទេ គេកាប់ដើមវាបកយកសំបកធ្វើជាខ្សែចំណងផ្សេងដូចជា ខ្សែចងនំ ខ្សែពួ ខ្សែចងគោ-ល-។ មិនតែប៉ុណ្ណោះគេក៏យកដើមវាធ្វើជាឱសថផងដែរ។
គេប្រើឬសរបស់វាទៅហាលដាំទឹកសម្រាប់ព្យាលជម្ងឺ បំបាត់ឈឺឆ្អឹង ជំនួយសរសៃ ចេញទឹកដោះ-ល-។
កំរិតប្រើ៖ 15g-20g ស្ងោរផឹកក្នុង១ថ្ងៃ។
បញ្ជាក់៖ តែផ្លែមិនអាចទទួលទានបានទេ ព្រោះមានជាតិពុល។
ជាងនេះទៅទៀត តាំងពីបូរាណមក ចាស់ៗបានយកវាទៅធ្វើជាចន្លុះអុជបំភ្លឺ រហូតដល់សព្វថ្ងៃនេះក៏នៅមានគេធ្វើផងដែរ។ខាងក្រោមនេះជារបៀបធ្វើចន្លុះ៖
របៀធ្វើចន្លុះដំបូង គេត្រូវយកដើមព្រាលទាំងដើមទាំងស្លឹក មកចងជាបាច់ រួចយកទៅជ្រលក់ក្នុង ជ័រទឹកដែលរម្ងាស់ក្តៅនៅលើភ្លើង រួចក៏បូតៗហូតដល់ចេញជារាងមូលប៉ុនៗកដៃ។
នៅពេលបូត គេត្រូវពាក់ស្រោមដៃ រួចពាក់ថង់ផ្លាស់ស្ទិកពីខាងក្រៅទៀតរួចទុកអោយស្ងួត។ការរម្ងាស់ជ័រ ត្រូវប្រើពេលច្រើនម៉ោង រហូតដល់ជ័ររលាយអស់ ទើបចាប់ផ្តើមបូត។ ការដុតភ្លើងរម្ងាស់ ក៏ពុំហ៊ានដុតខ្លាំងពេកដែរ បើមិនដូច្នោះទេ វានឹងហៀរចេញពីខ្ទះ រួចឆាបឆេះអស់៕
**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទ៖ អ៊ាង សុផល្លែត
សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។
សូមថ្លែងអំណរគុណចំពោះរាល់ប្រភពរូបថត។
