ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
វិជ្ជាមេផ្ទះ

វិធីធ្វើសម្លណាំយ៉ា ឆ្ងាញ់ពិសា!

21-Jul-2020 06:59 AM

រូបភាព


ដោយ: AdminI

គ្រឿងផ្សំ៖ ត្រី ៨០០ក្រាម,ខ្ទិះដូងដើម ១ចានចង្កឹះ,ខ្ទិះដូងចុង ៤ចានចង្កឹះ,គ្រឿងបុក ១ចានល្មម(គល់ស្លឹកគ្រៃ រមៀត ខ្ជាយ រំដេង ខ្ទឹមស ខ្ទឹមក្រហម ម្ទេសក្រៀម កាពិ និងអំបិលបន្តិច បុកចូលគ្នា),ស្លឹកក្រូចសើច ៤-៥សន្លឹក,សណ្តែកដីលីង ២០០ក្រាម បុកឲ្យម៉ត់(ដាក់ ឬមិនដាក់ក៏បាន),ទឹកត្រី ២ស្លាបព្រាបាយ,ស្ករ ២ស្លាបព្រាបាយ,ម្សៅស៊ុប ១ស្លាបព្រាកាហ្វេ។

វិធីធ្វើ៖

១.ត្រីធ្វើលាងទឹកឲ្យស្អាត ហើយយកទៅស្ងោរដាក់ស្លឹកក្រូចសើចចូល(ដើម្បីកាត់ឆ្អាប់) ស្ងោរឆ្អិនហើយបេះយកតែសាច់ត្រីទុកមួយអន្លើ

២.យកគ្រឿងដែលបុកហើយ ដាក់បុកជាមួយសាច់ត្រី និងសណ្តែកដីបុកចូលគ្នាឲ្យសព្វទុកមួយអន្លើ

៣.ដាំឆ្នាំងដាក់ក្បាលខ្ទិះ និងសាច់ត្រីដែលបុកជាមួយគ្រឿងហើយចូលច្របល់ចូលគ្នាឲ្យសព្វ

៤.បន្ទាប់មកដាក់ទឹកត្រី ស្ករ ម្សៅស៊ុប និងខ្ទិះដូងចុងចូលច្របល់ចូលគ្នាឲ្យសព្វ បើគោកអាចបន្ថែមទឹកបន្តិចតាមចំណូលចិត្ត ទុករម្ងាស់រយៈពេល ៣-៥នាទី រួចភ្លក្សមើលល្មមតាមចំណូលចិត្ត ឆ្អិនហើយដួសដាក់ចានជាការស្រេច។  ហូបជាមួយនំបញ្ចុក និងបន្លែខ្ចីៗស្រស់ៗ ឆ្ងាញ់អស់ទាស់៕

សម្រួលអត្ថបទដោយ៖ ស្រីពៅ

សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។