ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
ចំណេះដឹងទូទៅ

កត្តាមួយចំនួនដែលអ្នកមិនបានចាប់អារម្មណ៍ ដែលវាបណ្តាលឱ្យសុខភាពអ្នកចុះអន់ខ្សោយ!!!

02-Apr-2020 10:54 AM

រូបភាព


ដោយ: AdminI

កត្តាទាំងនេះហើយដែលធ្វើឲ្យសុខភាពអ្នកចុះខ្សោយ ដែលអ្នកមិនបានចាប់អារម្មណ៍ឡើយ ជាពិសេសនោះចំពោះស្រ្តី។ អ្នកព្យាយាមបរិភោគអាហារដែលមានជីវជាតិ ហាត់ប្រាណ ដើម្បីឲ្យមានសុខភាពល្អ តែពេលខ្លះកំហុសបន្តិចបន្តួចដែលអាចកើតឡើង តាមទម្លាប់ក៏អាចជាកត្តាដែលនាំឲ្យសុខភាពអ្នកចុះខ្សោយដោយមិនដឹងខ្លួនផងដែរ។ កត្តាខាងក្រោមនេះនឹងបង្ហាញប្រាប់បងប្អូន ដែលគួរតែយកចិត្តទុកដាក់៖

១.មិនសូវផឹកទឹក: កង្វះជាតិទឹកអាចធ្វើឲ្យអ្នកមានអាការៈស្ងួតមាត់ អស់កម្លាំងជាដើម ព្រោះកាលណាខ្វះជាតិទឹកនោះរាងកាយងាយជួបនឹងជំងឺណាស់។ ដើម្បីជៀសពីជំងឺផ្សេងៗដូចជា អស់កម្លាំង ផ្តាសាយ… គួរញ៉ាំទឹកឲ្យបានច្រើន។ ផឹកទឹកឲ្យបាន ៦ ទៅ ៨កែវក្នុងមួយថ្ងៃ ដើម្បីជៀសវាងការបាត់បង់ជាតិទឹកក្នុងរាងកាយ។

២.ការគេងមិនគ្រប់គ្រាន់: គឺជាកំហុសសុខភាពដ៏អាក្រក់បំផុតមួយ ដែលមនុស្សភាគច្រើនធ្វើសព្វថ្ងៃនេះ។ កុំវក់នឹងការលេង Facebook មើលរឿងដាច់យប់ដល់ម៉ោង ២-៣យប់ពេក គួរយកពេលសម្រាកឲ្យបានគ្រប់គ្រាន់ ទើបរាងកាយអ្នកមានកម្លាំងរឹងមាំ។

៣.បរិភោគអាហារមិនគ្រប់គ្រាន់: ការបរិភោគចំនីអាហារមិនបានគ្រប់គ្រាន់ ឬការតមអាហារ ជាកត្តាមួយដែលធ្វើឲ្យអ្នកងាយប្រឈមនឹងជំងឺផ្សេងៗណាស់ ព្រោះរាងកាយមានសារធាតុចិញ្ចឹមមិនគ្រប់គ្រាន់។ ដើម្បីបង្កើនថាមពលអ្នកគួរតែបរិភោគបន្លែ ផ្លែឈើ គ្រាប់ធញ្ញាជាតិ ឲ្យបានច្រើន នោះអ្នកមានថាមពលគ្រប់គ្រាន់ប្រឆាំងទៅនឹងជំងឺនានាបាន។

៤.កង្វះអាហារដែលមានសារធាតុចិញ្ចឹម: ការបរិភោគអាហារដែលមានសារធាតុចិញ្ចឹមមិនគ្រប់គ្រាន់ នាំឲ្យអ្នកមានអាការៈឈឺក្បាល អស់កម្លាំងជាដើម។ ដូច្នេះគួរតែបរិភោគអាហារណាដែលល្អសម្រាប់សុខភាព តែជៀសវាងការបរិភោគអាហារកាបូអ៊ីដ្រាត ដែលគ្មានសុខភាពល្អដូចជា នំខេក ភេសជ្ជជាតិសូដា នំបុ័ង...ជាដើម។

៥.ទទួលទានប្រូតេអ៊ីនមិនបានគ្រប់គ្រាន់: កង្វះប្រូតេអ៊ីនក៏ជាបញ្ហាចម្បង ដែលនាំឲ្យសុខភាពស្ត្រីចុះអន់ថយ ជាពិសេសចំពោះសុខភាពនៃការមករដូវ ដូចនេះគួរងាកមកទទួលទានអាហារណា ដែលសម្បូរជាតិប្រូតេអ៊ីនឲ្យបានច្រើនទើបល្អចំពោះសុខភាព។

៦.មិនធ្វើលំហាត់ប្រាណ: ការមិនដែលធ្វើលំហាត់ប្រាណសោះ ទើបជាមូលហេតុដែលស្ត្រីភាគច្រើនឈឺ ព្រោះជាតិពុលក្នុងខ្លួនមិនបានបញ្ចេញមកក្រៅ។ ប៉ុន្តែបើអ្នកហាត់ប្រាណច្រើនពេក ក៏អាចបណ្តាលឲ្យសាច់ដុំអ្នកចុះខ្សោយផងដែរ។ ដូចនេះគួរហាត់ប្រាណ ៣ដង យ៉ាងតិចក្នុងមួយសប្ដាហ៍៕

**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។  វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។

សម្រួលអត្ថបទដោយ៖ កូនផ្កាម្លិះ

សេចក្តីបញ្ជាក់៖ ខ្ញុំបាទ អ៊ាង សុផល្លែត (Eang Sophalleth) ពុំមានផ្សំ លក់ដូរ ចែកចាយថ្នាំ ឬកញ្ចប់ថ្នាំ ឱសថបុរាណណាមួយចំពោះបុគ្គល  ឬទីផ្សារឡើយ។ ដូច្នេះ សូមបងប្អូនប្រុងប្រយ័ត្ន

សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។