ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
ឯកសារកសិកម្ម

វិធីដាំស្ពៃតឿឲ្យទទួលផលបានល្អ

25-Mar-2020 11:09 AM

រូបភាព


ដោយ: sophea

+ ការសាបកូន

– ដំបូងធ្វើថ្នាលសាបកូនដែលមានទំហំ១ម៉ែត្របួនជ្រុងហើយជ្រោយដីឲ្យម៉ដ្ឋដោយ លាយជាមួយលាមកគោឲ្យសព្វហើយព្រោះគ្រាប់

– បន្ទាប់មកបាចចុងអង្ករមួយដៃ ដើម្បីកុំឲ្យស្រមោចជញ្ជូនគ្រាប់ស្ពៃព្រមទាំងស្រោចទឹក ២ថ្ងៃម្ដង

+ ការរៀបចំដី និងការដាំ

– ត្រូវភ្ជួរដី២ដង ហើយរើសស្មៅងាប់ចេញ កាប់ដីឲ្យម៉ដ្ឋលាយជាមួយលាមកគោ

– ត្រូវលើករងដែលមានទទឹង០,៥ម៉ែត្រ បណ្ដោយ១០ម៉ែត្រ ដាំជាជួរក្នុង១រង

– ក្រោយពីសាបកូនបានកន្លះខែគាត់អាចដកកូនទៅដាំបាន ដោយដកយកកូនណា ដែលធំៗ នឹងមានពណ៌ខៀវ

– ត្រូវដាំពីចន្លោះគុម្ពមួយទៅគុម្ពមួយ ២,៥តឹក ដោយដាក់១ដើមក្នុង១គុម្ព

+ ការថែទាំ

– នៅពេលដាំបានរយៈពេល១៥ថ្ងៃ ស្ពៃលាស់ចេញស្លឹកខ្ចី២ទៅ៣ ទើបថែមជី១០អំរែក និងជ្រុំជ្រោយដីដើម្បីឲ្យដីធូរ ស្ពៃដុះលូតលាស់បានលឿន ព្រមទាំងបន្ថយការដុះស្មៅ

– ធ្វើការស្រោចទឹក១ថ្ងៃ២ដង នៅពេលព្រឹក និងល្ងាច

+ ការប្រមូលផល

– ក្រោយពីដាំបានរយៈពេល១ខែ អាចកាត់បានហើយ

– ប៉ុន្តែមុននឹងកាត់ស្ពៃ មិនត្រូវស្រោចទឹកឡើយ ទុកស្លឹកស្ពៃឲ្យស្ងួតការពារភាពជាំ ៕

សម្រួលអត្ថបទ៖ អ៊ាង សុផល្លែត

សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។