ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
វិជ្ជាមេផ្ទះ

វិធីធ្វើចេកអាំងទឹកស្ករសាច់ដូងខ្ចីពិសេស (មានវីដេអូ)!

19-Feb-2020 09:31 AM

រូបភាព


ដោយ: AdminI

គ្រឿងផ្សំ៖ ចេកណាំវ៉ា ១ស្និត,ស្ករត្នោត ១១៥ក្រាម,ស្ករស ៦០ក្រាម,អំបិល កន្លះស្លាបព្រាកាហ្វេ,ខ្ទិះដូង ១កូនចានចង្កឹះ,សរសៃសាច់ដូងខ្ចី កន្លះកូនចានចង្កឹះ,ស្លឹកតើយ ២សន្លឹក។

]

វិធីធ្វើ៖ 

១.ធ្វើទឹកស្ករ ដាំខ្ទះដាក់ស្ករត្នោត ស្ករស និងខ្ទិះដូងចូលកូរចូលគ្នាឲ្យរលាយសព្វល្អ រួចដាក់ស្លឹកតើយចូលរម្ងាស់មួយរំពុះ ហើយដាក់សរសៃសាច់ដូង និងអំបិលចូលកូរចូលគ្នាឲ្យសព្វ ពុះហើយលើកចុះពីចង្រ្កានទុកមួយឡែក

២.យកចេកបកសំបក រួចដាក់អាំង(ចេកអាំងទាំងមូល ឬកាត់ជាដុំៗក៏បាន) មើលក្រៀមល្មមបន្តិច យកមកដំ ឬសង្កត់ឲ្យសំប៉ែត ហើយលាបទឹកស្ករឲ្យសព្វ រួចយកទៅអាំងទៀតឲ្យស្ងួត

៣.រួចរាល់ហើយយកចេកដាក់ចាន ពេលញ៉ាំអាចស្រូបទឹកស្ករ ឬហូបជ្រលក់ក៏បានតាមចំណូលចិត្ត៕ ចុចមើលវីដេអូពីវិធីធ្វើនៅខាងក្រោម៖

វីដេអូវិធីធ្វើ៖

សម្រួលអត្ថបទដោយ៖ ស្រីពៅ

សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។