ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
វិជ្ជាមេផ្ទះ

វិធីធ្វើសាច់គោអាំងទឹកប្រហុក ឆ្ងាញ់ណាស់!

30-Dec-2019 09:01 AM

រូបភាព


ដោយ: AdminI

គ្រឿងផ្សំ៖ សាច់គោជាប់ខ្លាញ់តិចៗ ១គីឡូ,ម្សៅស៊ុប ១ស្លាបព្រាបាយ,ទឹកប្រេងខ្យង ៣ស្លាបព្រាបាយ,ប៊័រ ៥ស្លាបព្រាបាយ។ គ្រឿងផ្សំទឹកប្រហុក៖ ប្រហុកសាច់ ២ស្លាបព្រាបាយចិញ្ច្រាំឲ្យម៉ត់,ស្លឹកក្រូចសើច ៥-១០សន្លឹក ហាន់តូចៗ,រំដេង ៣០ក្រាមហាន់ចំនិតស្តើងៗ,ខ្ទឹមសចិញ្ច្រាំ ១ស្លាបព្រាបាយ,ស្ករស ១ស្លាបព្រាបាយ,ទឹក ២កូនចានចង្កឹះ,សណ្តែកដីលីង បុកឲ្យម៉ត់ល្មម,គល់ស្លឹកគ្រៃ ម្ទេស ហាន់តូចៗល្មម និងក្រូចឆ្មារ (ដាក់តាមចំណូលចិត្ត),បន្លែផ្ទាប់មាន ការ៉ុត ត្រសក់ ចេកខ្ចី ត្រយ៉ូងចេក... តាមចំណូលចិត្ត។

វិធីធ្វើ៖

១.យកសាច់គោប្រឡាក់ជាមួយប៊័រ ម្សៅស៊ុប និងប្រេងខ្យងច្របល់ចូលគ្នាឲ្យសព្វល្អ រួចទុកចោលប្រហែល ១៥នាទី ដើម្បីឲ្យវាចូលជាតិល្អ

២.ដាំឆ្នាំងដាក់ទឹកចូលដាំឲ្យពុះ រួចដាក់ប្រហុកចិញ្រ្ចាំចូលកូរឲ្យសព្វ ហើយដាក់ខ្ទឹមសចិញ្រ្ចាំ ស្លឹកក្រូចសើច រំដេង និងស្ករសចូលកូរឲ្យសព្វចូលគ្នាទុកឲ្យពុះ 

៣.បន្ទាប់មកយកសាច់គោដែលប្រឡាក់ហើយដាក់អាំងមើលល្មមតាមចំណូលចិត្ត ឆ្អិនហើយយកសាច់មកហាន់ដាក់ចាន

៤.រួចរាល់ហើយពេលញ៉ាំយកទឹកប្រហុក ដាក់លាយបន្ថែមជាមួយគល់ស្លឹកគ្រៃ ម្ទេស សណ្តែកដី និងច្របាច់ក្រូចឆ្មារចូលល្មមតាមចំណូលចិត្ត យកសាច់គោអាំងញ៉ាំផ្ទាប់ជាមួយបន្លែ និងទឹកប្រហុកឆ្ងាញ់អស់ទាស់៕

សម្រួលអត្ថបទដោយ៖ ស្រីពៅ

សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។