គ្រឿងផ្សំ៖ សាច់ត្រីសុទ្ធ ១គីឡូ ហាន់ជាដុំៗ​, គ្រឿង បុកម៉ត់, ម្ទេសឆ្អើរ ចិញ្ច្រាំម៉ត់, ពងមាន់ ២គ្រាប់, ទឹកខ្ទិះដូង ៣០០មីលីលីត្រ, ទឹកត្រី ៥ស្លាបព្រាបាយ, អំបិល ១ស្លាបព្រាកាហ្វេ, ស្ករ ២ស្លាបព្រាបាយ, ម្សៅមី ១ស្លាបព្រាបាយ, ទឹក, ស្លឹកក្រូចសើច ហាន់ជាសរសៃៗ, ម្ទេសប្លោកទុំ ហាន់ជាសរសៃៗ, ដូងខ្ចី សម្រាប់ដាក់អាម៉ុក។

វិធីធ្វើ​៖

១.ដាំខ្ទះដាក់ប្រេងចូលឱ្យក្តៅ ដាក់ម្ទេសឆ្អើរចូលឆាឱ្យចេញពណ៌ក្រហមល្អ រួចដាក់គ្រឿងបុកចូលឆាចូលគ្នាឱ្យឈ្ងុយ ហើយដាក់ខ្ទិះដូងចូលកូរឱ្យសព្វល្អ

២.បន្ទាប់មកដាក់ទឹកត្រី ស្ករ និងអំបិលចូលកូរឱ្យសព្វ រួចដាក់សាច់ត្រីចូលច្របល់ចូលគ្នាឱ្យសព្វ

៣.យកខ្ទិះដូង ១០០មីលីលីត្រ លាយជាមួយទឹក ពងមាន់ និងម្សៅមីកូរចូលគ្នាឱ្យសព្វ​ ចាក់ចូលឆាជាមួយសាច់ត្រីរហូតទឹកឡើងខាប់ៗ រួចលើកចុះ

៤.រួចរាល់ហើយយកសាច់ត្រីដែលឆាជាមួយគ្រឿងហើយចាក់ចូលផ្លែដូង ហើយយកទៅចំហុយរយៈពេល ១០-២០នាទី ឆ្អិនល្អហើយរោយសរសៃស្លឹកក្រូចសើច និងម្ទេសប្លោកពីលើ ដើម្បីលំអជាការស្រេច៕

សម្រួលអត្ថបទដោយ៖ ស្រីពៅ

សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។