ឯកសារកសិកម្ម
រូបភាព
ក្រា បណ្ដាលមកពីសត្វល្អិត បំផ្លាញ ប្រភេទដង្កូវដួង និង សត្វល្អិតផ្សេងៗ ស៊ីបណ្តូល ជាដើម។ ដំណោះស្រាយ ប្រើថ្នាំសម្លាប់សត្វល្អិត និងបាចកំបោរស ឬអំបិលនៅជុំវិញគល់។
ក្រា ដែលបណ្ដាលមកពី រោគផ្សិត។ បញ្ហាផ្សិតច្រើនបណ្ដាលមកពី ការប្រែប្រួលអាកាសធាតុលឿនពេក រវាងក្តៅខ្លាំង និង ភ្លៀងធ្លាក់ខ្លាំង បញ្ហាខាងលើក៏ឆ្លុះបញ្ចាំងពីបញ្ហាដែលកសិករជួបជាក់ស្ដែង។ ដំណោះស្រាយដោយគ្រាន់តែយកក្រូចឆ្មារ លាយនឹងសាប៊ូលាងចាន លាយក្នងធុងទឹក ហើយបាញ់ទៅលើកូនចេក រៀងរាល់ ៣ខែម្ដង។
អត្ថបទ៖ អ៊ាង សុផល្លែត
ឯកសារយោង៖ កសិកម្មភ្នំព្រឹក
អានអត្ថបទបន្ថែម៖ អាវុធកំចាត់ស្មៅ និងគ្រាប់ស្មៅតាមធម្មជាតិពិតៗ!!
ខាងក្រោមនេះជាវិធីធ្វើអាវុធកំចាត់ស្មៅ ដែលមានធាតុផ្សំងាយស្រួលរកបំផុត :
១- តារាងធាតុផ្សំ
-កូនចេកមានកំពស់មិនលើស ១ម៉ែត្រ ៣ គីឡូក្រាម
-កាកស្កររបស់ក្រុមហ៊ុន (មិនត្រូវប្រើកាកស្ករគ្មានប្រភពច្បាស់លាស់) ១ គីឡូក្រាម
២- វិធីធ្វើ
-យកកូនចេកកាត់ជាកង់ៗមានប្រវែងពី ១០ ទៅ ២០ សង់ទីម៉ែត្រ រួចពុះជា ៤ ទៅ ៥ចំរៀក
-យកកាកស្ករច្របល់ រឺប្រឡាក់ ជាមួយចំរៀកកូនចេកទាំងនោះអោយសព្វល្អ
-ដាក់ចូលក្នុងធុងបិទជិត ផ្អាប់ទុករយៈពេល ៧ ទៅ ១០ថ្ងៃ
យើងបង្ហូរបានទឹក ប្រហែលចាប់ពី ១ទៅ ២លីត្រ ហៅថាបាក់តេរីល្អដើមចេកកំចាត់ស្មៅហើយទើបយកទៅអនុវត្តបន្តទៀត ដោយអនុវត្តតាម ខាងក្រោមបន្តទៀត
-បាក់តេរីល្អដើមចេកកំចាត់ស្មៅ ១លីត្រ
-កាកស្កររបស់ក្រុមហ៊ុន (មិនត្រូវប្រើកាកស្ករគ្មានប្រភពច្បាស់លាស់) ២លីត្រ
-ទឹកស្អាត ១០លីត្រ
-មេ EXM ស្ងួត ១ស្លាបព្រាកាហ្វេ
-យកធាតុក្នុងតារាង (ង) ចាប់ពី ១ ទៅ ៤ ច្របល់ចូលគ្នាអោយសព្វ ហើយបន្តផ្អាប់ទុករយៈពេល ៧ ទៅ ១០ថ្ងៃទៀត ទើបយើងសំរេចបាន អាវុធកំចាត់ស្មៅធម្មជាតិ ហើយ ។
៣- វិធីប្រើ
-យក អាវុធកំចាត់ស្មៅធម្មជាតិ ចំនួន ៥ ទៅ ១០លីត្រ បាញ់លើផ្ទៃដីក្នុង ១៦០០ម៉ែត្រការ៉េ
-ក្រោយពេលបាញ់ហើយ ត្រូវភ្ជួរលប់ភ្លាម (មិនអាចពន្យារពេលបានទេ)
-ត្រូវទុកចោលរយៈពេលយ៉ាងតិចបំផុត ១០ថ្ងៃ ទើបអាចព្រោះ រឺ សាប រឺ ស្ទូង ដាំកូនរុក្ខជាតិបាន បើយកល្អគួរតែទុកយូរជាការប្រសើរ ព្រោះពេលនេះ ប៉េហាសដីបានវិលមកសភាពដើមវិញហើយ ។
*** ចំណាំ :
– ចំពោះការសំលាប់គ្រាប់ស្មៅលើដីស្រែ ក្រោយពីភ្ជួលប់ហើយ ក្នុងស្រែត្រូវមានទឹក មួយថ្នាំងដៃ ។ ការប្រើ អាវុធកំចាត់ស្មៅធម្មជាតិ ត្រូវប្រើនៅមុនពេលមិនទាន់ដាំដំណាំ បើស្រូវ ត្រូវប្រើមុនពេលដាស់ដី ។ ការអនុវត្តនេះ យើងត្រូវសាប រឺ ព្រោះ យឺតជាងគេ ១០ ទៅ ១៥ថ្ងៃ ។
៤- ការរក្សាទុក
-រក្សាទុកនៅកន្លែងស្ងួត និងត្រជាក់
-បាក់តេរីល្អដើមចេកកំចាត់ស្មៅ រក្សាទុកបាន ១ឆ្នាំ
-អាវុធកំចាត់ស្មៅធម្មជាតិ រក្សាទុកបាន ៣ខែ ។
៥- ផលប្រយោជន៍
-ជួយជំរុញការរំលាយ ដើម្បីបង្កើតជាអម្ពុកជីក្នុងដី
-បង្កើនធាតុសកម្មក្នុងដី កាន់តែច្រើនឡើង រុក្ខជាតិមានឱកាសចាប់យកអាហារបានច្រើន
-ក្នុងដីមានបាក់តេរីល្អច្រើន នោះបរិមាណអាហារនៅក្នុងដីនឹងសល់កាន់តែច្រើន
-បង្កើន ប៉េហាសដល់ដី ធ្វើអោយជំរុញ និងបំបែកធាតុអម្ពុកបានច្រើន ។
សូមជួយចែករំលែកបន្តជាប្រយោជន៍ សំរាប់យើងទាំងអស់គ្នា ។
ប្រភព៖ ខេមបូឌាអេចបេ្រសញូស៏
