ឱសថបុរាណធម្មជាតិ
ផ្កាស្បៃរឿងយកមកធ្វើជាឱសថធម្មជាតិព្យាបាលជំងឺ និងជាថ្នាំសម្លាប់សត្វល្អិតក្នុងវិស័យកសិកម្មបានថែមទៀតផង!
រូបភាព
ផ្កាស្បៃរឿងជាផ្កាមូយប្រភេទដល់ស្រស់ស្អាតដែលមានផ្កាពីរពណ៌គឺពណ៌លឿងខ្ចី និង លឿងទុំ(ពណ៌ស្លាទុំ)។ គេអាចយកផ្កាស្បៃរឿងមកធ្វើជាឱសថធម្មជាតិព្យាបាលជំងឺ និងជាថ្នាំសម្លាប់សត្វល្អិតក្នុងវិស័យកសិកម្មបានថែមទៀតផង!
សូមមកស្វែងយល់ពីវិធីធ្វើ និងប្រើប្រាស់ផ្កាស្បៃរឿងជាឱសថធម្មជាតិព្យាបាលជំងឺ និងជាថ្នាំសម្លាប់សត្វល្អិតក្នុងវិស័យកសិកម្មខាងក្រោម៖
នៅមានវិធីសក្តិសិទ្ធមួយទៀតព្យាបាលក្អក ពិសេសក្អកមាន់ គឺ
-គេយកផ្កាស្បៃរឿងលាងទឹកស្អាត
-រួចបេះយកត្របកបៃតងចេញ
-ហើយយកតែត្របកពណ៌លឿង និងគ្រាប់វាដាក់ក្នុងចាន (មិនដាក់ទឹកក្នុងចាននេះទេ)
-បន្ថែមស្ករក្រាម ឬទឹកឃ្មុំ
-ដាក់ចំហុយឲ្យវារលួយ រួចច្រោះយកទឹកដែលចេញពីផ្កា (ជាសីរ៉ូ)
-ផឹកមួយស្លាបព្រាបាយ៣ដង ក្នុងមួយថ្ងៃ។
សម្រាប់ការបន្ថយអាស៊ីត ចាំបាច់ត្រូវបន្ថយការបរិភោគសាច់គោ និងសាច់សត្វដទៃទៀត រួមទាំងគ្រឿងក្នុងផងដែរ ហើយពិសាតែពុកមាត់ឆ្មារក្នុងកម្រឹត១២ក្រាម ក្នុងមួយថ្ងៃ។
នេះជាវិធីព្យាបាលក្អកតាមបែបធម្មជាតិ ដ៏មានប្រសិទ្ធភាព
របស់ម្ចាស់គណនីហ៊្វេកប៊ុក Chheng Kimsun ដែលគាត់បានចែករំលែកបទពិសោធន៍។ សូមថ្លែងអំណរគុណចំពោះការចែករំលែក។
២.ព្យាបាលឈឺធ្មេញ
>> បើមានបងប្អូនណាឈឺធ្មេញ ផ្កាស្បៃរឿងអាចជួយឲ្យបាត់ឈឺបាន!!!
**ផ្កាស្បៃរឿង៖ អ្នកត្រូវយកផ្ការបស់វាដែលក្រៀមៗប្រហែល7-8ផ្កា ទៅស្ងោរជាមួយនឹងទឹកស្អាត ហើយអ្នកអាចបៀមវាម្ដងបន្តិចៗពេញមួយថ្ងៃនោះវានឹងជួយកាត់បន្ថយការឈឺចាប់។ ទន្ទឹមនឹងនេះដែរវាក៏ជួយកាត់បន្ថយកម្ដៅខ្ឡួនបានទៀតផង។
៣. ឫសផ្កាស្បៃរឿង ជួយកម្ចាត់ដុំសាច់ដុះលើស្បែក
ជំងឺដុះដុំសាច់ ជាជំងឺមួយទូទៅមួយប្រភេទដែលបណ្តាលមកពីស្រទាប់នៃស្បែកដុះចេញមកជាន់លើគ្នា។ ភាគច្រើនជំងឺកើតឡើងចំពោះមនុស្សវ័យកណ្តាល តែវាជាដុំសាច់ដែលដុះចេញដោយធម្មជាតិ។ ដូច្នេះ វាគ្មានផ្តល់ផលប៉ះពាល់ ឬផ្តល់ទុក្ខទោសអ្វីឡើយ។ ទោះបីជាយ៉ាងណាក៏ដោយ មនុស្សជាច្រើនចង់កម្ចាត់វាចេញ ព្រោះដុំសាច់នោះធ្វើឲ្យមនុស្សមានទំនុកចិត្តលើខ្លួនឯងតិច ក៏ដូចជាមិនចង់ឲ្យមើលឃើញដុំសាច់ដែលដុះចេញមក។
មានកត្តាផ្សេងៗគ្នាដែលបណ្តាលឲ្យដុះដុំសាច់លើស្បែក។ រួមមានបណ្តាលមកពីប្រតិកម្មថ្នាំ កើតជំងឺទឹកនោមផ្អែម ឬប៉ះនឹងកម្តៅព្រះអាទិត្យខ្លាំងពេក។ កោសិកាផលិតជាតិមេឡានីនទាក់ទងនឹងការដុះដុំសាច់លើស្បែក។ ដុំសាច់ដុះលើស្បែកកើតចេញមក នៅពេលកោសិកាមេឡានីនរលាក ធ្វើឲ្យវាក្លាយជាដុំពក។ អ្នកអាចបំបាត់វាបាន ដោយប្រើប្រេងលាបនៅលើស្បែក ហើយក៏មានវិធីព្យាបាលតាមបែបធម្មជាតិជាច្រើនទៀតផងដែរ
>> ឫសផ្កាស្បៃរឿង ត្រូវបានរកឃើញថា មានប្រយោជន៍អាចជួយកម្ចាត់ដុំសាច់ដុះ លើស្បែកបាន។ យកឫសផ្កាស្បៃរឿងមកចម្រាញ់ រួចយកទឹកវាមកលាបលើដុំសាច់ ។ អ្នកនឹងកត់សម្គាល់ឃើញថា ទំហ៉នៃសាច់ដុះកាន់តែតូចទៅៗ ទីបំផុតការប្រើប្រាស់បាន ទៀងទាត់ ធ្វើឲ្យវារលាយបាត់អស់។
II.ក្នុងវិស័យកសិកម្ម៖
>>វិធីយកផ្កាស្បៃរឿងមកប្រើប្រាស់សម្រាប់ធ្វើថ្នាំពុលនៅក្នុងកសិកម្ម !
សារធាតុប្រឆាំងនឹងសត្វល្អិត ផ្កាស្បៃរឿងមានផ្ទុកសមាសធាតុឈ្មោះ Thiophenes ដែលអាចបញ្ចេញក្លិនបណ្ដេញសត្វល្អិត និងទាក់ទាញសត្វល្អិតមានប្រយោជន៍។
ផ្នែកប្រើប្រាស់
– ផ្កា
– ដើម។
វិធីផ្សំ និងវិធីប្រើប្រាស់ថ្នាំ
– បុកស្លឹក និងផ្កាស្បៃរឿង 0,៥ គីឡូក្រាម រួចដាក់ចូលក្នុងក្រឡ ឬ កែវ
– ចាក់ទឹក ១ លីត្រចូល រួចរក្សាទុក ១ យប់
– ច្រោះយកមេថ្នាំ មកលាយជាមួយទឹក ៣ លីត្រ
– បន្ថែមទឹកសាប៊ូម្សៅ ១៥ មីលីលីត្រ (សម្រាប់ទឹកលាយរួច ១លីត្រ) ចូលក្នុងថ្នាំរួចកូរឲ្យសព្វ
– បាញ់ថ្នាំពុលលើរុក្ខជាតិ ដែលទទួលរងពីការបំផ្លាញដោយសត្វល្អិត។
ប្រសិទ្ធភាពលើសត្វល្អិត
– ចៃ
– ដង្កូវបំផ្លាញកាហ្វេ។
ប្រភពៈ អភិវឌ្ឍន៍វិស័យកសិកម្មកម្ពុជា/សេវាកម្មប្រឹក្សានិងរៀបចំគំរោង
**អត្ថបទបន្ថែម៖ ចំការផ្កាស្បៃរឿង កំពុងរកចំណូលបានខ្ពស់នៅខេត្តប៉ៃលិន**
ខេត្តប៉ៃលិន៖ ប្រជាពលរដ្ឋម្នាក់ អាចទទួលបានប្រាក់ចំណូល រហូតដល់រាប់ម៉ឺន រាប់សែនបាត (ប្រាក់ថៃ) ដោយគ្រាន់តែដាំដើមផ្កាស្បៃរឿងលក់។ ជាក់ស្តែងកាលពីព្រឹកថ្ងៃទី២៣ ខែវិច្ឆិកា ឆ្នាំ២០១៦ នៅក្នុងចម្ការមួយកន្លែង មានដាំផ្កាស្បៃរឿងរហូតដល់ជាង២ហិកតា ស្ថិតនៅភូមិអូររអិល ឃុំស្ទឹងកាច់ ស្រុកសាលាក្រៅ។
បើតាមប្រភពពីបុរសម្នាក់ ឈ្មោះ ខាត់ ថេង អាយុ៥៨ឆ្នាំ ជាមេការគ្រប់គ្រងចម្ការខាងលើ បានឱ្យដឹងថា ម្ចាស់ចម្ការបានដាំផ្កាស្បៃរឿងចំនួនជាង២ហិកតា អស់រយៈពេលជិត៣ខែកន្លងមកហើយ គ្រាន់តែដាំរយៈពេលខ្លីប៉ុណ្ណោះ អាចទទួលបានផលកាត់ផ្កាលក់ស្ទើររាល់ថ្ងៃ ដោយក្នុង១ថ្ងៃៗ អាចរកបានប្រាក់ចំណូលរាប់ម៉ឺនបាត(ប្រាក់ថៃ)។
ប្រភពបន្តទៀតថា បន្ទាប់ពីជួលកម្មករឱ្យដាំរហូតដល់ទទួលផល ពេលនេះថៅកែបានជួលកម្មករក្នុង១ថ្ងៃៗ មានគ្នាចាប់ពី៨ ទៅ១០នាក់ឱ្យដើរកាត់ផ្កាស្បៃរឿង ដើម្បីយកទៅលក់នៅប្រទេសថៃ ហើយបើផ្កាស្បៃរឿងល្អ គេលក់១ទង តម្លៃ៥កាក់ (ប្រាក់ថៃ)។
គាត់បញ្ជាក់ទៀតថា ជួនកាលនៅថ្ងៃសីល ឬថ្ងៃបុណ្យ ថៅកែជួលកម្មករលើសពី១០នាក់ឱ្យដើរបេះផ្កានៅក្នុងចម្ការលក់ ទទួលបានប្រាក់ក្នុង១ថ្ងៃៗ ប្រហែលជា១សែនបាត ឯណោះ ។ ចំពោះក ម្មករដើរ បេះផ្កាស្បៃរឿង ក្នុង១កញ្ឆេ ថៅកែឱ្យថ្លៃចំនួន៣០បាត(ប្រាក់ថៃ)។
លើសពីនេះចំណែកជនជាតិថៃម្នាក់ ឈ្មោះ ថុង នី ភេទប្រុស អាយុ៦០ឆ្នាំ ជាមេការគ្រប់គ្រងក ម្មករ រៀបចំកំរងផ្កា បានឱ្យដឹងថា ផ្កាស្បៃរឿងទាំងនេះ ត្រូវថៅកែរបស់ខ្លួន ដាំជាង២ហិកតា ហើយនឹងរៀបចំដាំថែម១ហិកតាទៀត ខណៈប្រទេសថៃ នៅតែទទួលទិញផ្កាទាំងនោះ ដើម្បីយកទៅរៀបចំធ្វើជាកំរងផ្កា ពេលមានបុណ្យទានផ្សេងៗ ឬពេលមានកម្មវិធីពិ សេស នៅក្នុងមន្ទីរ ឬក្រសួងណាមួយ ដោយក្នុង១ថង់ មានចំនួន៥០ទង អាចលក់បានតម្លៃចាប់ពី២៥ទៅ៣០បាត ។
លោកបន្តទៀតថា កាលពីប្រមូលផលដំបូង លក់ដាច់ខ្លាំងណា ស់ ក្នុង១ថ្ងៃៗ អាចរកចំណូលបានរហូតដល់រាប់ម៉ឺន ទៅរាប់សែនបាត ខណៈប្រជាជនថៃ ទិញយកទៅថ្វាយសពសម្តេចថៃនៅទូទាំងប្រទេស។
ចំណែកនៅក្នុងទឹកដីនៃប្រទេសកម្ពុ ជាវិញ មានគេទិញខ្លះដែរ សម្រាប់យកទៅថ្វាយព្រះនៅថ្ងៃសីល ឬថ្ងៃបុណ្យផ្សេងៗ។ លោកបញ្ជាក់ទៀតថា ពេលខ្លះក៏មានគេទិញយកទៅធ្វើកម្មវិធីតាមមន្ទីរនានាផងដែរ។
សូមបញ្ជាក់ថា នេះជាលើកទី១ហើយ ដែលប្រជាពលរដ្ឋម្នាក់ អាចដាំដើមផ្កាស្បៃ រឿង លក់ប្រាក់យ៉ាងសន្ធឹកសន្ធាប់ គួរឱ្យកត់សម្គាល់ ដោយគ្រាន់តែដាំរយៈពេលខ្លះប៉ុណ្ណោះ ៕
ប្រភព ៖ ANN
**អានអត្ថបទគួរឱ្យចាប់អារម្មណ៍៖ វិធីធ្វើឱ្យក្រូចឆ្មារចេញផ្កា និងផ្លែបានច្រើន!**
រកបានហើយ សម្រាប់អ្នកដាំក្រូចច្រើនឆ្នាំហើយគ្មានផ្លែ!
វិធីងាយៗអស់ប្រាក់តិចបំផុត ពិតជាមានប្រសិទ្ធភាពមែន!
ជួយ share ចែកគ្នាដឹងផង!
ពិតជាមានប្រសិទ្ធភាពមែនក្រូចដាំជិត៥-៦ឆ្នាំផ្លែ ផ្លែមិនលើសពី២-៣ទេ តែក្រោយពីលាយទឹកប៊ីចេងបាញ់ មិនដល់មួយសប្តាហ៍ផង ក៏ចេញផ្កា និងលាស់ត្រួយយ៉ាងច្រើនទៀតផង។
របៀបធ្វើ គឺលាយប៊ីចេង១ស្លាបព្រាបាយជាមួយទឹក២លីត្រ បាញ់លើដើម និងស្លឹកមួយថ្ងៃម្តង ឬពីរថ្ងៃម្តង រយៈពេលមួយអាទិត្យនឹងឃើញលទ្ធផលគាប់ចិត្ត។
អត្ថបទដោយ៖ អ៊ាង សុផល្លែត
