ចំណេះដឹងទូទៅ
សញ្ញាទាំងអស់នេះបង្ហាញថាថ្លើមរបស់អ្នកផ្ទុកជាតិពុលហួសប្រមាណ ជាហេតុបណ្តាលឱ្យធាត់
រូបភាព
ថ្លើមគឺជាសរីរាង្គមួយដែលប្រឹងធ្វើការខ្លាំងជាងគេក្នុងរាងកាយរបស់អ្នក ហើយវាមានមុខងារសំខាន់ក្នុងការបន្សុទ្ធឈាមបណ្ដេញជាតិពុលគ្រោះថ្នាក់ និងសារធាតុចិញ្ចឹមមេតាប៉ូលីស ឬបំបែកសារធាតុចិញ្ចឹមចែកចាយទៅក្នុងរាងកាយ។
យ៉ាងណាមិញ ពេលខ្លាញ់រុំថ្លើមរបស់អ្នក វាមិនអាចលុបបំបាត់ជាតិពុលទាំងនោះពីរាងកាយរបស់អ្នកឡើយ ដែលនេះដោយសាររបបអាហាររបស់អ្នកមិនមានសុខភាព។
* សញ្ញានៃថ្លើមពោរពេញទៅដោយជាតិពុល
នេះអាចបណ្ដាលឱ្យរលាក បន្សល់នូវស្លាកស្នាមលើថ្លើម ជាពិសេសធ្វើឱ្យថ្លើមខូច។ មានសញ្ញាជាច្រើនបង្ហាញថា ថ្លើមរបស់អ្នកពោរពេញទៅដោយជាតិពុល។
សញ្ញាទាំងនោះរួមមាន៖
- ឈឺសន្លាក់រ៉ាំរ៉ៃ ឬឈឺចុកចាប់សាច់ដុំ
- ឈឺក្បាល ឬឈឺក្បាលប្រកាំងខាងក្រោយគ្រាប់ភ្នែក
- អស់កម្លាំងល្ហិតល្ហៃ
- ថប់បារម្ភ
- កើតជំងឺធ្លាក់ទឹកចិត្ត
- ឡើងទម្ងន់ឥតមូលហេតុ
- ឈឺពោះ
- រាគ
- ទល់លាមក
- កើតមុន ឬជំងឺស្បែកផ្សេងៗ
- អតុល្យភាពអ័រម៉ូន
- បែកញើសហួសប្រមាណ
- អាឡែស៊ី
- ខួរក្បាលមិនសូវចងចាំបានយូរ៕
>>ឱសថសម្អាតថ្លើម ព្យាបាលជំងឺថ្លើម ឬខ្លាញ់រុំថ្លើម
ព្យាបាល
-សម្អាតថ្លើម ព្យាបាលជំងឺថ្លើម ឬខ្លាញ់រុំថ្លើម។
គ្រឿងផ្សំ
- ស្លឹកជីរអង្កាមមួយក្ដាប់
- ទឹកក្រូចឆ្មារ
- ទឹកក្រូចពោធិ៍សាត់
- ទឹក ១ លីត្រ
- ទឹកឃ្មុំ
របៀបធ្វើ
-ដាក់ទឹកលើចង្ក្រាន ដាំឱ្យពុះ
– ដាក់ស្លឹកជីរអង្កាមក្នុងទឹកពុះ ៥ នាទី រួចដកចេញ
– ដាក់ទឹកក្រូចឆ្មារ ទឹកក្រូច ពោធិ៍សាត់ និងទឹកឃ្មុំចូល។
វិធីប្រើប្រាស់
-អាចផឹកវាទាំងត្រជាក់ ឬក្ដៅក៏បាន វានឹងជួយសម្អាតថ្លើម ជួយរំលាយអាហារ និងជួយដល់ក្រពះ។
សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែអ្នកមិនមានជម្រើសផ្សេង។
សូមរក្សារនូវទម្រង់អត្ថបទដើមទាំងស្រុង នូវរាល់ប្រភពដែលយកអត្ថបទរបស់ខ្ញុំទៅចែកចាយបន្ត។
ដោយ៖ អ៊ាង សុផល្លែត
