ឯកសារកសិកម្ម
រូបភាព
ដើម្បីសុវត្ថិភាពសុខភាពទាំងអ្នកប្រើប្រាស់ និងអ្នកទិញដំណាំទទួលទាន យើងគួរងាកមកប្រើប្រាស់ថ្នាំធម្មជាតិ ដែលមិនប៉ះពាល់សុខភាពអ្នកដាំ និងអ្នកញ៉ាំ ចំណេញទាំងសុខភាព និងថវិកា ពិសេស មិនធ្វើឱ្យដីដាំដំណាំខូចទៀតផង។ ដូច្នេះ ខ្ញុំសូមលើកទឹកចិត្តឱ្យបងប្អូនកសិករយើងងាកមកផលិត និងប្រើប្រាស់វិធីធម្មជាតិ ដែលជាបច្ចេកទេសផលិតថ្នាំំពុលធម្មជាតិ សម្រាប់កម្ចាត់ពពួកចៃ និងដង្កូវខៀវលើដំាណាំទាំងអស់គ្នា ដូចខាងក្រោម៖
+ធាតុផ្សំ:
-ផ្លែរាំងភ្នំ ១ ផ្លែ
-សំបកស្លែង ០,៥ គីឡូក្រាម
-មើមស្លែងដងដឹង ០,៥ គីឡូក្រាម
-សំបកស្តៅ ០,៥ គីឡូក្រាម
-ផ្លែស្លាក់ ០,៥ គីឡូក្រាម
-ឫស និងដើមថ្នាំជក់ ០,៥ គីឡូក្រាម
-សំបកក្រសាំង ០,៥ គីឡូក្រាម។
+របៀបលាយ:
-ពុះផ្លែរាំងភ្នំ ជាពីរ ហើយធាតុផ្សំផ្សេងទៀតយកមកកាត់ជាកំណាត់តូចៗ រួចដំបំបែក
-បន្ទាប់មកយកទៅចាក់ត្រាំក្នុងទឹក ៣០ លីត្រ
-ពាងដែលត្រាំថ្នាំត្រូវគ្របឲ្យជិតរក្សាទុកនៅក្នុងម្លប់
-រយៈពេល ១៥ ថ្ងៃ ក្រោយមកអាចយកប្រើបាន ។
+ការប្រើប្រាស់:
-បរិមាណប្រើ គឺលាយទឹកថ្នាំ ១ លីត្រ ជាមួយទឹកធម្មតា ៤ លីត្រ និងសាប៊ូ ១ ស្លាបព្រាបាយ
-ប្រើបាញ់លើសណ្តែកកួរ និងត្រសក់។
☞ សូមរក្សារនូវទម្រង់អត្ថបទដើមទាំងស្រុង នូវរាល់ប្រភពដែលយកអត្ថបទរបស់ខ្ញុំទៅចែកចាយបន្ត។
រក្សាសិទ្ធិដោយ៖ អ៊ាង សុផល្លែត
