គំនិតច្នៃប្រឌិតនៃការកសាងផ្ទះដ៏ស្រស់ស្អាត ដោយប្រើប្រអប់កុងទឺន័រ -Eang Sophallet

ចំណេះដឹងទូទៅ

គំនិតច្នៃប្រឌិតនៃការកសាងផ្ទះដ៏ស្រស់ស្អាត ដោយប្រើប្រអប់កុងទឺន័រ

04-Dec-2017 11:29 AM

រូបភាព

ដោយ: Uddam

នាពេលបច្ចុប្បន្ននេះ ការសាងសង់ផ្ទះកាន់តែសម្បូរបែប។ យើងអាចសាងស់ផ្ទះដោយប្រើប្រាស់ថ្ម ដីឥដ្ឋ ឈើ ហើយការពេញនិយមនាបច្ចុប្បន្ននេះ គឺការសាងសង់ផ្ទះដោយប្រើប្រាស់ប្រអប់កុងទឺន័រ។ ការសាងសង់ដោយប្រអប់កុងទឺន័រនេះពិតជាមានភាពងាយស្រួលក្នុងការរតំឡើង និងមានតំលៃសមរម្យ មានមនុស្សជាច្រើនកំពុងងាកមកសាងសង់ផ្ទះប្រភេទនេះ វាកាន់តែមានប្រជាប្រិយភាពនាពេលបច្ចុប្បន្ន។

ខាងក្រោមនេះ ជាគំនិតក្នុងការសាងសង់ផ្ទះដោយប្រអប់កុងទឺន័រ ដើម្បីបង្កើតគេហដ្ឋានមួយដ៏ស្រស់ស្អាត ដើម្បីឱ្យសមនឹងធម្មជាតិ។ តោះ ទៅពិនិត្យមើលទាំងអស់គ្នា និងជួយស៊ែរចែកគ្នាមើលផងណា

គំរូផ្ទះប្រភទទី១៖ គឺជាផ្ទះមួយដែលធ្វើឡើងដោយប្រើទូកុងទឺន័រចំនួន 3 ដាក់ជាប់ៗគ្នា។ បន្ទាប់មក ភ្ជាប់គ្នាជាបន្ទប់តែមួយ។ តុបតែងជាមួយ Cream និងស្ករ។ បរិយាកាសកាន់តែអស្ចារ្យបើសង់នៅក្នុងព្រៃឈើ។

គំរូផ្ទះប្រភទទី២៖ ការសាងសង់ផ្ទះប្រភេទនេះ គឺសន្សំសំចៃជាងគំរូផ្ទះប្រភេទទី២ ដោយសារតែវាត្រូវបានសាងសង់ឡើង ដោយប្រើប្រាស់ប្រអប់កុងទឺន័រតែមួយ ហើយដោយគ្រាន់តែសង់លើកឱ្យខ្ពស់ផុតពីដីបន្តិច។ យ៉រ ឬរានហាលខាងមុខត្រូវបានពង្រីកសម្រាប់ការរស់នៅបន្ថែមទៀត។ នៅខាងក្រៅត្រូវបានតុបតែងបន្ថែមជាមួយឈើ ពណ៌ត្នោត និងឈើខ្មៅ ផ្ទៃខាងក្នុងត្រូវបានតុបតែងជាមួយនឹងពណ៌ស។

គំរូផ្ទះប្រភទទី៣៖ ប្រអប់កុងទឺន័រពណ៌សបើកផ្នែកខាងមុខ និងខាងចំហៀងមួយ ដើម្បីធ្វើរានហាល (មួយចំហៀងទៀតបិទ) ធ្វើឱ្យទំហំប្រអប់កុងទឺន័រ ទំនេរច្រើនក្នុងការប្រើ។

គំរូផ្ទះប្រភទទី៤៖ ប្រើប្រអប់កុងទឺន័រពីរដាក់ស្របទៅគ្នា មួយទៅមុខមួយទៅក្រោយបន្តិច។ ដាក់ប្រអប់កុចទឺន័រពីរនេះ ឃ្លាតគ្នាបន្តិច ហើយទុកចន្លោះកណ្តាល ហើយសង់ បន្ទាប់មកភ្ជាប់វា និងដាក់ទ្វារ (ដូចក្នុងរូប) ដើម្បីបង្កើតជញ្ជាំងចូលក្នុងសាលធំ។ ដើម្បីឱ្យមើលឃើញផ្ទះកាន់តែទូលាយគួរលាបពណ៌ផ្ទៃខាងក្នុងពណ៌ស លាយគ្នាតិចៗជាមួយពណ៌ខ្មៅ មើលទៅកាន់តែស្រស់ស្អាត ។