គ្រឿងផ្សំ៖

– ពងទា ២គ្រាប់

– ត្រីប្រម៉ាចិញ្ច្រាំ ៥០ក្រាម

– សាច់ជ្រូកចិញ្ច្រាំ ៥០ក្រាម

– ខ្ទឹមសចិញ្ច្រាំ ២ស្លាបព្រាបាយ

– ទឹកត្រី ស្ករស មួយមុខ ១ស្លាបព្រាបាយ និងម្សៅស៊ុប ១ស្លាបព្រាកាហ្វេ

– ម្ទេសហាន់ (ដាក់ក៏បានមិនដាក់ក៏បានតាមចំណងចំណូលចិត្ត)

– បន្លែអន្លក់មាន ការ៉ុត ត្រសក់ ស្វាយខ្ចី សណ្តែកកួរ ស្ពែក្តោប… (តាមចំណងចំណូលចិត្ត)

វិធីធ្វើ៖

១.គោះពងទាដាក់ចានវាយចូលគ្នា រួចដាក់សាច់ជ្រូកចិញ្ច្រាំ និងត្រីប្រម៉ាចិញ្ច្រាំចូលគ្នាច្របល់ឲ្យសព្វ បន្ទាប់មកដាក់ខ្ទឹមសចិញ្ច្រាំ ទឹកត្រី ស្ករស និងម្សៅស៊ុបចូលគ្នាច្របល់ឲ្យសព្វ (ភ្លក់មើលល្មមតាមចំណងចំណូលចិត្ត) រួចដាក់ម្ទេសហាន់ចូល

២.ដាក់ប្រេងឆាចូលខ្ទះឲ្យក្តៅ រួចដាក់ចៀនពងទាក្រឡុកជាមួយត្រីប្រម៉ាចូល ចៀនឲ្យក្រៀមល្មមទាំងសងខាង ហើយដួសដាក់ចាន

៣.រៀបបន្លែអន្លក់សម្រាប់ញ៉ាំផ្ទាប់គ្នាជាមួយគ្នាហើយជាការស្រេច។

អត្ថបទដោយ៖ អ៊ាង សុផល្លែត