អ្នកមានបញ្ហាគេងមិនលក់ ឬអត់ងងុយមែនទេ? អ្នកអាចសាកល្បងរូបមន្តដូចខាងក្រោមនេះ វាគឺជារូបមន្តដ៏ល្អបំផុត ដោយគ្រាន់តែអ្នកញ៉ាំមួយកែវ មុនចូលគេងប៉ុណ្ណោះ អ្នកនឹងងងុយគេងដូចជាកូនក្មេងអ៊ីចឹង។ រូបមន្តទឹកដោះគោលាយជាមួយនឹងទឹកឃ្មុំ គឺជារូបមន្តបែបងាយស្រួល ដែលត្រូវបានប្រើប្រាស់សម្រាប់ការអត់ងងុយ និងការគេងមិនលក់។

គ្រឿងផ្សំទាំងពីរនេះសុទ្ធសឹងមានប្រសិទ្ធភាពដូចគ្នា ហើយវាកាន់តែមានប្រសិទ្ធិភាពបន្ថែមទៀតនៅពេលដែលអ្នកលាយបញ្ចូលគ្នា ខណៈដែលវាមិនមានផលប៉ះពាល់ដល់សុខភាពដូចជា ការលេបថ្នាំងងុយគេងឡើយ។

គ្រឿងផ្សំ៖
– ទឹកដោះគោជិតមួយកែវ ឬ ៧៥% នៃកែវ

– ទឹកឃ្មុំមួយស្លាបព្រាបាយ

របៀបធ្វើ៖
១. យកទឹកដោះគោទៅកម្តៅក្នុងឆ្នាំងតូចមួយឲ្យក្តៅឧណ្ហៗ ប៉ុន្តែមិនត្រូវធ្វើឲ្យពុះឡើយ

២. យកទឹកដោះគោនោះពីចង្រ្កាន ហើយចាក់ចូលក្នុងកែវ រួចបន្ថែមទឹកឃ្មុំចូល

៣. កូរឲ្យសព្វល្អ រួចហើយញ៉ាំយឺតៗ មុននឹងចូលគេង។

បញ្ជាក់៖ សម្រាប់អ្នកទឹកនោមផ្អែម សូមធ្វើតាមរូបមន្តនេះ ដោយប្រើប្រាស់ទឹកដោះគោគ្មានជាតិស្ករជំនួសវិញ។

សម្រួលអត្ថបទដោយ៖ កូនពៅ