ខាងក្រោមនេះជាវិធីលាយថ្នាំធម្មជាតិសម្រាប់ការពារជំងឺផ្សេងៗចំពោះកូនមាន់ទើបកើត។ គ្រឿងផ្សំតែពីរមុខទេ ងាយរក ងាយធ្វើ កូនមាន់សុខភាពល្អ។

គ្រឿងផ្សំ ៖
– មើមខ្ញី ០.៥គីឡូក្រាម

– ស្ករត្នោត ០.២គីឡូក្រាម

វិធីផ្សំ ៖
-យកមើមខ្ញីស្រស់ចិត្តស្តើងៗ រួចយកមកផ្អាប់ជាមួយស្ករ ទុកក្នុងកែវបិទជិតរយៈពេល១៥ថ្ងៃ រហូតដល់ខ្ញីចេញទឹក

-យកទឹកខ្ញីលាយជាមួយទឹកធម្មតា ក្នុងកម្រិតទឹកខ្ញី ១កែវ លាយទឹកធម្មតា ១កែវកន្លះ

-ផ្អាប់ទុករយៈពេល១៥ថ្ងៃទៀត ទើបប្រើការបាន ។

វិធីប្រើ ៖
-យកទឹកខ្ញីដែលផ្អាប់១ស្លាបព្រា លាយទឹក​ធម្មតា​១​កំប៉ុង​ទឹកដោះគោឆៅ ហើយ​ឱ្យមាន់​ផឹក​ជាប្រចាំ។

សម្រួលអត្ថបទ៖ អ៊ាង សុផល្លែត