ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
វិជ្ជាមេផ្ទះ

វិធីធ្វើសម្លរណាំយ៉ា! (មានវីដេអូ)

05-Sep-2018 11:48 AM

រូបភាព


ដោយ: Uddam

គ្រឿងផ្សំ៖

-ត្រី ៨០០ក្រាម

-ខ្ទិះដូងដើម ១កូនចាន និងខ្ទិះចុង ៤កូនចាន

-គ្រឿងបុក ១ចានធំល្មម (គល់ស្លឹកគ្រៃ រមៀត ខ្ជាយ រំដេង ខ្ទឹមស ខ្ទឹមក្រហម ម្ទេសក្រៀម កាពិ និងអំបិលបន្តិច បុកចូលគ្នាឲ្យម៉ត់)

-ស្លឹកក្រូចសើច ៤-៥សន្លឹក

-សណ្តែកដីលីង ២០០ក្រាម បុកឲ្យម៉ត់ល្មម (ដាក់ក៏បានមិនដាក់ក៏បាន)

-ទឹកត្រី ២ស្លាបព្រាបាយ

-ស្ករ ២ស្លាបព្រាបាយ

-ម្សៅស៊ុប ១ស្លាបព្រាកាហ្វេ

វិធីធ្វើ៖

១.ត្រីយកទៅស្ងោរដាក់ស្លឹកក្រូចសើចចូល ដើម្បីកាត់ឆ្អាប់ ស្ងោរឆ្អិនហើយ បេះយកតែសាច់ ទុកមួយឡែក

 

២. យកគ្រឿងដែលបុកហើយ ដាក់បុកជាមួយសាច់ត្រី និងសណ្តែកដី បុកចូលគ្នាឲ្យសព្វ

 

៣. ដាក់ឆ្នាំងដាំដាក់ខ្ទិះដើម និងសាច់ត្រីដែលបុកជាមួយគ្រឿងចូល ច្របល់ចូលគ្នាឲ្យសព្វ

 

៤. ដាក់ទឹកត្រី ស្ករ ម្សៅស៊ុប និងខ្ទិះចុងចូល ច្របល់ចូលគ្នាឲ្យសព្វ បើគោកអាចបន្ថែមទឹកបន្តិចតាមចំណងចំណូលចិត្ត ទុករម្ងាស់ប្រហែល ៣-៥នាទី រួចភ្លក្សមើលល្មមតាមចំណងចំណូលចិត្ត ហើយដួសដាក់ចានជាការស្រេច។

 

វីដេអូពីវិធីធ្វើ៖

សម្រួលអត្ថបទដោយ៖ ស្រីពៅ