បច្ចេកទេសនេះជួយអ្នកមានដីតូចចង្អៀតអាចដាំបានច្រើនដើម និងមានផ្លែឆ្លើយតបតាមតំរូវការទីផ្សារអន្តរជាតិ!
ស្វាយកែវរមៀតអាចដាំដុះតាមបច្ចេកទេសដាំញឹក កាត់តែងដើមមែក និងហ្វឹកហ្វឺនអោយដើមមែកដុះដូចជាឆត្រ័ទទួលពន្លឺថៃ្ងស្មើគ្នាល្អបាន ជាពិសេសដើមទាបៗមិនឱយកំពស់លើសពី២-២.៥មែត្រ (បច្ចេកទេស ultra high density mango plantation) ដោយ ១ហិចតា អាចដាំបានពី៨៣៣ដើមទៅ១,៦៦៦ដើម ។

បច្ចេកទេសងាយស្រួលថែទាំ និងជ្រើសរើសតាមតំរូវការទីផ្សាអន្តរជាតិ ដែលទាមទារអោយផ្លែស្វាយមានសណ្ឋានដូចៗគ្នាលើ៣ចំនុច រាងដូចៗគ្នា ពណ៌សប្បុរដូចៗគ្នា និងទំហំប៉ុនៗគ្នា! (Uniform: shape, color and size)!

វិធីដាំដុះ ត្រូវកាត់កូនស្វាយទុកកំពស់តែប្រមាណតែ ៦០ស.មពីដី ហើយរាល់ការបែកមែកត្រូវកាត់ដោយរក្សាទុកប្រវែងប្រមាណ ៥០-៦០ស.ម នៃមែកនីមួយៗ និងថែរក្សាទុក ៣-៤មែកបន្តលូតលាស់ទៀត។

បច្ចេកទេសនេះជួយអ្នកមានដីតូចចង្អៀតអាចដាំបានច្រើនដើម និងមានផ្លែឆ្លើយតបតាមតំរូវការទីផ្សារអន្តរជាតិ!
ចំណាំ៖ ស្វាយកែវរមៀតជាប្រភេទដំណាំធន់នឹងទឹកណាស់។

ប្រភព៖ HENG Ratana