ឯកសារកសិកម្ម
រូបភាព
*សម្ភារៈត្រូវមាន៖
– កាត់ស្រកីដូងដែលមានរាងមូលទ្រវែងដែលមានមុខកាត់២,៥-៣សង់ទីម៉ែត្រ និងប្រវែងប្រមាណ៦សង់ទីម៉ែត្រ រួចជ្រលក់ក្នុងទឹកទុកឲ្យសើមជោក
– យកកៅស៊ូចងព័ទ្ធជុំវិញស្រកីដូងដែលជ្រលក់រួចនោះ រួចចោះរន្ធខាងលើសម្រាប់ដាក់បណ្តុះ
-កាត់ស្លឹកក្រូចដែលខ្ចីល្មម (មិនយកចាស់ពេក) ដោយទុកមែកដែលជាប់ស្លឹកនោះប្រមាណ២សង់ទីម៉ែត្រ
-កាត់ស្លឹកចេញពាក់កណ្តាលខាងលើចោល ដើម្បីកាត់បន្ថយការខ្សោះជាតិទឹក
-យកកាំបិតឆូតបណ្តោយលើមែកដែលជាប់ស្លឹកនោះ២ឬ៣ឆ្នូត ដើម្បីជួយឲ្យវាមានចន្លោះដុះឬសចេញមកបានច្រើន បន្ទាប់មកជ្រលក់វាក្នុងទឹកថ្នាំជំនួយបន្តិច
-យកមែកដែលជាប់ស្លឹកក្រូចនោះមកដោតចូលក្នុងរន្ធស្រកីដូងដែលរៀបចំរួច
-យកស្លឹកក្រូចដែលរៀបបណ្តុះរួចដាក់ក្នុងកញ្ច្រៀងជាមួយគ្នា រួចដាក់វាចូលក្នុងរោងមួយដែលអាចសង់នៅក្រោមម្លប់ដើមឈើ មានថង់ប្លាស្ទិចព័ទ្ធជុំវិញបិទជិត និងរៀបចំប្រព័ន្ធចំហាយទឹកសម្រាប់បាញ់ស្រោចពីលើ
– ធ្វើការបើកចំហាយទឹកផ្តល់ឲ្យវាក្នុង១ថ្ងៃ៣ដង ព្រឹក ថ្ងៃ ល្ងាច ក្នុង១ដង១០នាទី
– រយៈពេល១ខែវានឹងចាប់ផ្លើមចេញឬស ហើយយើងអាចយកវាទៅបណ្តុះក្នុងថង់ប្លាស្ទិច២-៣ខែក្រោយមកយើងអាចយកទៅដាំបាន
– ការបណ្តុះដោយប្រើស្លឹកបែបនេះវាមានអត្ថប្រយោជន៍អាចបានកូនច្រើនជាងការផ្សាំមែករបស់វា
អត្ថបទដោយ៖ អ៊ាង សុផល្លែត
