១.អត្ថប្រយោជន៍
-ជួយអោយដំណាំដុះលូតលាស់ល្អ

-ជំនួយដើម និងស្លឹកលូតលាស់ល្អ

-សុវត្ថិភាពដល់អ្នកដាំដុះ និងអ្នកប្រើប្រាស់
-សន្សំសំចៃថវិកាបានច្រើន តាមរយៈការប្រើសម្ភារដែលមានស្រាប់

-កាត់បន្ថយការប្រើប្រាស់ថ្នាំពុលគីមី
-ចូលរួមរក្សាបរិស្ថាន។

២.សម្ភារ និងធាតុផ្សំ
-ធាតុផ្សំ៖ កន្ទក់ ២៥គីឡូក្រាម លាមកសត្ វ២៥គីឡូក្រាម ធ្យូងអង្កាម ២៥ គីឡូក្រាម ស្កររងូវ ៨០០មីលីលីត្រ ទឹកស្អាត ១០ លីត្រ មេEM៤០សេសេ និងមេ Super បូកាឈិ២ក្ដាប់។

-សម្ភារៈ៖ចប បង្គី រនាស់ អំបោស ប៉ែល បាវ និងធុងទឹកចំនុះ១០លីត្រ។

៣.របៀបធ្វើ
របៀបលាយ៖លាយកន្ទក់ លាយមកគោល និងធ្យូងអង្កាមចូលគ្នាអោយសព្វល្អ។លាយស្កររងូវ និង មេ EM និងមេ Super បូកាឈិអោយបានសព្វល្អ រួចចាកទៅក្នុងទឹកស្អាត១០លីត្រ ហើយយកទៅស្រោចល្បាយ ខាងលើរួចច្របលវាចូលគ្នាអោយសព្វល្អ។ ត្រូវប្រាកដថា ល្បាយយើងមានសំណើមគ្រប់គ្រាន់ (៤០%-៥០%) និងបន្ទាប់ពីលាយរួចត្រូវដាក់នៅក្នុងធុង ឬប្លាស្ទិចដោយសង្កត់វាអោយណែនល្អរួចគ្រប់ ឬចង់មាត់វាអោយជិតល្អ និងដាក់នៅក្រោមម្លប់។

វិធីប្រើប្រាស់៖ ជី អីអឹមបូកាឈី អាចប្រើបានក្នុងរយៈពេល ២ ទៅ ៣សប្តាហ៍ នៅពេលដែលល្បាយនោះមានក្លិនឈ្ងុយ។
– ប្រើជាជីកំប៉ុស្ត៍

– ទ្រាប់បាតមុនពេលដាំកូន ៧ថ្ងៃ ចំនួន ១គីឡូក្រាម/១ម៉ែត្រការ៉ែ ឬ ១ក្តាប់ដៃពេញ/១ដើម

– អាចប្រើបន្ទាប់ពីដាំហើយ ដោយដាក់ ១ក្តាប់ដៃពេញ/១ដើម នៅជុំវិញគល់ដំណាំ
– អាចទុកបានរយៈពេល ១ ឆ្នាំ។

ប្រភព៖ តែម សម្បតិ្ត