សាច់ខ្នុរមានផ្ទុកសារធាតុចិញ្ចឹមសំខាន់ៗជាច្រើនដូចជា វីតាមីនA វីតាមីនC វីតាមីនB6 កាល់ស្យូម ប៉ូតាស្យូម ជាតិដែក Folic អាស៊ីដ thiamin, riboflavin, niacin និងម៉ាញេស្យូម សម្បូរទៅដោយជាតិសរសៃ Fiber និងមាននូវភាពសំខាន់នៃសារធាតុ Flavonoid ដូចជា carotene, xanthin, lutein និងសារធាតុ cryptoxanthin។

ដូច្នេះហើយទើបធ្វើឱ្យផ្លែខ្នុរអាចផ្តល់ឱ្យលោកអ្នកនូវគុណប្រយោជន៍ជាច្រើនទាំងផ្នែកសុខភាព និងសម្រស់ ដូចខាងក្រោម៖
-ការពារប្រឆាំងនឹងជំងឺដ៏សាមញ្ញៗមួយដូចជា ជំងឺក្អក ជំងឺគ្រុនផ្ដាសាយ និងជំងឺគ្រុនក្ដៅ

-លើកកម្ពស់ប្រព័ន្ធស៊ាំរាងកាយ ប្រឆាំងនឹងការឆ្លងបាក់តេរី និងមេរោគ
-ជួយពន្យឺតដំណើរវិវឌ្ឍន៍ទៅរកភាពចាស់ និងកាត់បន្ថយស្នាមជ្រីវជ្រួញ ស្នាមសង្វារ និងស្បែកស្ងួត។ វីតាមីន C នៅក្នុងសាច់ខ្នុរជំនួយដល់ការផលិតចេញ Collagen ដែលជាប្រូតេអ៊ីនជួយរក្សាស្បែកឱ្យរលោង និងតឹងណែន និងជួយរក្សាស្បែកឱ្យមានសំណើម

-ជាតិសរសៃ Fiber ជួយរក្សាប្រព័ន្ធរំលាយអាហារឱ្យមានសុខភាពល្អ ជួយបន្ទន់លាមក ជួយគ្រប់គ្រងចលនាពោះវៀនធំ និងបង្ការអាការៈទល់លាមក
-សាច់ខ្នុរជួយរក្សាបំពង់រំលាយអាហារឱ្យស្អាត និងការពារកុំឱ្យមានកពូនកាកសំណល់នៅក្នុងពោះវៀន កាត់បន្ថយ និងបង្ការការហើមពោះវៀន ព្រមទាំងជំងឺមហារីកពោះវៀនធំ

-ខ្នុរជួយទប់ស្កាត់ជំងឺពាក់ព័ន្ធដល់ភ្នែក ដូចជាខ្វាក់មាន់។
ចំណាំ៖ សូមកុំពិសាសាច់ខ្នុរនេះច្រើនហួសប្រមាណ ព្រោះវាបណ្ដាលឱ្យឈឺក្រពះ។

បើទទួលទានខ្នុរហើយ សូមកុំចោលគ្រាប់ ព្រោះគ្រាប់នេះ ក៏មានប្រយោជន៍មិនតិចដែរ

១.ការពារបញ្ហាទល់លាមក
គ្រាប់ខ្នុរ មានផ្ទុកជាតិសរសៃច្រើន ដែលអាចជួយការពារបញ្ហាទល់លាមក និងបណ្តេញជាតិពុលចេញពីរាងកាយ ដូច្នេះវាត្រូវបានគេណែនាំឲ្យទទួលទានជាប្រចាំ។

២.ជួយពង្រឹងឆ្អឹង
កាល់ស្យូម នៅក្នុងគ្រាប់ខ្នុរ អាចជួយជំរុញឆ្អឹងឲ្យមានសុខភាពល្អ ហើយមិនតែប៉ុណ្ណោះសារធាតុប៉ូតាស្យូមរបស់វាក៏អាចជួយកសាង និងពង្រឹងឆ្អឹងឲ្យរឹងមាំផងដែរ។ សូមព្យាយាមបរិភោគគ្រាប់ខ្នុរ ឲ្យបានទៀងទាត់ ប្រសិនបើអ្នកចង់បង្កើតសាច់ដុំ និងរក្សាឆ្អឹងឲ្យរឹងមាំ។

ម្យ៉ាងវិញទៀតគ្រាប់ខ្នុរ គឺសម្បូរជាតិម៉ាញ៉េស្យូម ដែលជាសារធាតុចិញ្ចឹមដ៏សំខាន់ជួយជំរុញការស្រូបយកជាតិកាល់ស្យូម ដល់រាងកាយ។ ម៉ាញ៉េស្យូម រួមផ្សំជាមួយនឹងកាល់ស្យូម អាចជួយរក្សាឆ្អឹងឱ្យមានសុខភាពល្អ ការពារមិនឱ្យមានបញ្ហាទាក់ទងនឹងឆ្អឹង ដូចជាជំងឺពុកឆ្អឹងជាដើម។

៣.ប្រឆាំងនឹងជំងឺមហារីក
គ្រាប់ខ្នុរ មានផ្ទុកសារធាតុប្រឆាំងអុកស៊ីតកម្ម (phytonutrients និង flavonoids) ដែលអាចជួយការពាររាងកាយពីជំងឺមហារីក និងរ៉ាឌីកាល់សេរី ដែលបំផ្លា្ DNA របស់កោសិកា។ ការទទួលទានគ្រាប់ខ្នុរ អាចជួយបន្ថយល្បឿននៃកោសិកា និងធ្វើសកម្មភាពប្រឆាំងនឹងជំងឺមហារីក។

លើសពីនេះ គ្រាប់ខ្នុរ មានផ្ទុកវីតាមីន C ដែលអាចជួយបំប៉នរាងកាយប្រឆាំងនឹងវីរុស និងបាក់តេរី។ វីតាមីន C ជួយបង្កើមុខងារនៃប្រព័ន្ធភាពស៊ាំ ដោយគាំទ្រមុខងាររបស់កោសិកាឈាមស។

៤.ល្អសម្រាប់ភ្នែក ទប់ស្កាត់ការជ្រុះសក់
គ្រាប់ខ្នុរ មានផ្ទុកវីទាមីន A ដែលអាចជួយការពារភ្នែក ឲ្យរួចផុតពីជំងឺផ្នែកផ្សេងៗ ហើយវាក៏អាចជួយទប់ស្កាត់បញ្ហាជ្រុះសក់ផងដែរ។

៥.ពង្រឹងមុខងារផ្លូវភេទ
គ្រាប់ខ្នុរ ត្រូវបានគេប្រើប្រាស់ធ្វើជាឱសថ បង្កើនថាមពលផ្លូវភេទតាំងពីយូរលង់មកហើយនៅតំបន់អាស៊ី នេះក៏ដោយសារតែជាតិដែក ដ៏ច្រើនរបស់វាអាចជួយរំញោចចំណង់ផ្លូវភេទ និងកែលម្អរសុខភាពផ្លូវភេទឲ្យមានភាពប្រសើរឡើង។

៦.កាត់បន្ថយការឆ្លងមេរោគ
ការទទួលទានគ្រាប់ខ្នុរ ជាញឹកញាប់អាចជួយកាត់បន្ថយហានិភ័យនៃការឆ្លងមេរោគ និងបាក់តេរី។ លើសពីនេះគ្រាប់ខ្នុរ ក៏មានផ្ទុកប្រូតេអ៊ីន និងមីក្រូសារជាតិជាច្រើនដែលអាចកាត់បន្ថយភាពតានតឹងផងដែរ។

៧.ជួយបំពេញជាតិដែក
គ្រាប់ខ្នុរ គឺជាប្រភពដ៏ល្អបំផុតនៃជាតិដែក ដែលអាចជួយបង្កើតឡើងវិញនៃកោសិកាឈាមក្រហម។ ការទទួលទានរបបអាហារដែលមានផ្ទុកជាតិដែកខ្ពស់ អាចកាត់បន្ថយភាពស្លេកស្លាំង បញ្ហាឈាមផ្សេងៗ លើកកម្ពស់ដល់ចលនាឈាមរត់ ខណ:ដែលរក្សាខួរក្បាល និងបេះដូងឲ្យមានសុខភាពល្អ។

៨.កាត់បន្ថយស្នាមជ្រួញ
គ្រាប់ខ្នុរ មានផ្ទុកប្រូតេអ៊ីនច្រើន ដែលអាចជួយរក្សាសំណើមដល់ស្បែក ធ្វើឲ្យស្បែកមានសភាពទន់រលោង និងបំបាត់ស្នាមជ្រីវជ្រួញ។ អ្នកគ្រាន់តែយកគ្រាប់ខ្នុរទៅត្រាំទឹក ហើយកិនឲ្យក្លាយជាល្បាយ បន្ទាប់មកយកទៅបំពោតនៅលើតំបន់ដែលមានស្នាមជ្រួញ។ ក្នុងរយ:ពេល ១៥ ទៅ ២០នាទីត្រូវលាងសម្អាតចេញ ហើយអ្នកត្រូវអនុវត្តរាល់ថ្ងៃទើបឆាប់ទទួលបានផល។

៩.សម្រកទម្ងន់
គ្រាប់ខ្នុរ ជាប្រភពដ៏ល្អនៃជាតិសរសៃ និងកាឡូរីទាប ដែលធ្វើឲ្យវាក្លាយជាអាហារដ៏បំផុតសម្រាប់អ្នកដែលចង់សម្រកទម្ងន់។

១០.បង្ការជំងឺលើសឈាម ប្រឆាំងនឹងភាពចាស់
គ្រាប់ខ្នុរ សម្បូរទៅដោយសារធាតុចិញ្ចឹមដូចជា lignans, isoflavones និង saponins ដែលអាចប្រឆាំងនឹងអុកស៊ីដកម្ម ទប់ស្កាត់ជំងឺលើសឈាម និងប្រឆាំងភាពចាស់សម្រាប់រាងកាយ៕

**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទ៖ អ៊ាង សុផល្លែត
សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។