ឯកសារកសិកម្ម
រូបភាព
+វត្ថុធាតុដើមសម្រាប់ចិញ្ចឹម
-លាមកសត្វស្រស់ ដូចជា លាមកគោ ក្របី ជ្រូក និងមាន់។វត្ថុធាតុដើមទាំងនេះ សុទ្ធតែជាចំណីដែលជន្លេនចូលចិត្តបំផុត
+ទីកន្លែងចិញ្ចឹម និងការរៀបចំ
-គួរជ្រើសរើសទីកន្លែងចិញ្ចឹមលើដីទួលមិនលិចទឹក ឬមិនដក់ទឹក និងជាទីកន្លែងដែលមានខ្យល់ស្រឡះល្អ
-រៀបចំកន្លែងចិញ្ចឹមលើដីទួលក្រោមម្លប់ឈើ
-សម្អាតស្មៅលើផ្ទៃដីប្រមាណ២ម៉ែត្រការ៉េ និងបង្ហាប់ដីឱ្យហាប់
+វិធីបង្កើតពូជជន្លេន
– យកលាមកគោស្រស់ ៣ទៅ៥បង្គី ចាក់ជាពំនូក នៅកន្លែងស្រឡះ ទូលាយ ដែលមានខ្យល់គ្រប់គ្រាន់
– ស្រោចទឹក២ដង ក្នុងមួយថ្ងៃ លៃយ៉ាងណា ឱ្យពំនូកជីមានសំណើម និងកម្តៅ
– រយៈពេល២-៣សប្តាហ៍ នឹងមានពូជជន្លេននេះ
+វិធីលែងពូជ
– ជ្រើសរើសតែជន្លេនមានដងខ្លួនធំ ហើយថ្លោស មានប្រវែងពី១០-១៥ហ៊ុន
– ប្រមូលពូជជន្លេន ពីកន្លែងបង្កើតពូជ នៅម៉ោង៦ល្ងាច ព្រោះជន្លេនខ្លាចពន្លឺ និងកម្តៅថ្ងៃ
– មុននឹងលែងជន្លេន ត្រូវស្រោចទឹកឱ្យសើមតិចៗ ឱ្យជន្លេនងាយវារចូលក្នុងពំនូកជី
– បរិមាណជន្លេនដែលលែង គឺពី២ទៅ៣គីឡូក្រាម (ជន្លេន៧០% និងជីលាមកសត្វ ដែលនៅជាប់៣០%)
+វិធីថែទាំ
-យកមែកឫស្សី គ្របកន្លែងចិញ្ចឹម ដើម្បីការពារមាន់កាយ ដោយធ្វើរនាំងបាំង ឬយកបន្លាឫស្សីដាក់ព័ទ្ធជុំវិញ
-ពំនូកជី ត្រូវគ្របស្លឹកត្នោត ឬធ្វើរបងប្រក់ដំបូលស្លឹក
-ស្រោចទឹក២ដងក្នុងមួយថ្ងៃ ព្រឹកម្តង ល្ងាចម្តង
-ទឹកដែលស្រោចពំនូកជីនេះ ត្រូវគ្មានជាតិពុល ប្រៃ ប្រេង ឬស្អុយ
-ដាក់ថែមអាចម៍គោស្រស់ថ្មីៗ ២ថ្ងៃចំនួន១បង្គី ស្មើនឹង៥គីឡូក្រាម
-ការថែមអាចម៍គោ អាស្រ័យពេលវេលា គឺនៅពេលយើងសង្កេតឃើញវាបញ្ចេញកាកសំណល់អាចម៍ជន្លេនចេញមកក្រៅច្រើន ហើយវាស៊ីអស់អាចម៍គោថ្មីៗ
-ត្រូវរាយលាមកគោស្រស់ ពីលើរងជន្លេនកម្រាស់ពី២ទៅ៣តឹក
-នៅរដូវប្រាំង ដាក់បន្ថែមអាចម៍គោកឱ្យស៊ីពី២ទៅ៣ដង ក្នុងមួយសប្តាហ៍ ក្រោយមកគ្របវិញ ហើយស្រោចទឹក
-នៅរដូវវស្សា ដាក់អាចម៍គោឱ្យស៊ីពី៣ទៅ៥ដង ក្នុងមួយសប្តាហ៍ ក្រោយមកគ្របវិញ ហើយស្រោចទឹក
+ការប្រមូលផល
-ជន្លេន៖ ក្រោយចិញ្ចឹមបាន៤ខែ យើងអាចប្រមូលផលជន្លេនបានពី២០-២៥គីឡូក្រាម ក្នុងមួយម៉ែត្រការ៉េ ។
-អាចម៍ជន្លេន ៖ អាចម៍ជន្លេន ពេលវាបញ្ចេញមកក្រៅពំនូក យើងប្រមូលវាយកទៅហាលថ្ងៃឱ្យស្ងួត រក្សាក្នុងម្លប់ កុំឱ្យត្រូវទឹកភ្លៀង ទុកដាក់ដំណាំ ឬដាក់បាតស្រះ ដើម្បីបង្កើតចំណីធម្មជាតិក្នុងស្រះឱ្យត្រីស៊ី ៕
សម្រួលអត្ថបទ៖ អ៊ាង សុផល្លែត
