សូមចូលរួមផលិត និងប្រើប្រាស់ថ្នាំពុលផ្សំពីធម្មជាតិទៅតាមលទ្ធភាពដែលអាចធ្វើទៅបាន ដើម្បីកុំឲ្យប៉ះពាល់ដល់សុខភាព ថវិការ និងជួយបង្កើនសត្វត្រីផ្សេងៗឲ្យកើនច្រើនឡើងផងដែរ។

*ធាតុផ្សំ និងសម្ភារត្រូវមាន៖ កាកសំណល់បន្លែផ្សេងៗ ដើមចេក (យកដើមមិនទាន់មានផ្លែ)  ស្ករងូ (ប្រើស្កត្នោតក៏បាន) ធុងសម្រាប់ដាក់លាយ​ និងកាំបិត។

*របៀបបធ្វើថ្នាំ៖

– កាត់ចិញ្រ្ចាំដើមចេក និងបន្លែទាំងនោះជាបំណែកតូចៗរួចដាក់ចូលក្នុងផើងមួយ (ដើមចេក៩០%​ បន្លែចម្រុះ១០%)

– ចាក់ស្ករងូ (កាកស្ករកសិកម្ម) ចូលលៃយ៉ាងណាឲ្យសព្វជោគជាមួយល្បាយ រួចយកល្បាយនោះចាក់ចូលក្នុងធុងមួយគ្របឲ្យជិត ហើយគ្របវារក្សាទុករយៈពេល១០-១៥ថ្ងៃ។

*វិធីប្រើ

– ចាក់យកទឹកថ្នាំពីល្បាយខាងលើ កន្លះលីត្រ លាយជាមួយទឹក២០លីត្រ

– បាញ់ទៅលើដីស្រែ ចំការ ឬដីសម្រាប់ដាំដំណាំរួចត្រូវភ្ជួរ ហើយរាស់លុបភ្លាម

– ទុកដីនោះរយៈពេល១០-១៥ថ្ងៃដើម្បីឲ្យសាបជាតិថ្នាំ ហើយយើងអាចភ្ជួរជាលើកទីពីរសម្រាប់ការដាំដុះបាន។

*ការរក្សាទុក៖ រក្សាមេថ្នាំទុកនៅកន្លែងស្ងួត និងត្រជាក់ ដែលអាចរក្សាទុកបានរយៈពេល១ឆ្នាំ។

*ផលប្រយោជន៍៖

– ធ្វើឲ្យដីមានជីវជាតិល្អសម្រាប់ដំណាំ និងជួយជំរុញការរំលាយ ដើម្បីបង្កើតជាអម្ពុកជីក្នុងដី។

– បង្កើនធាតុសកម្មក្នុងដីកាន់តែច្រើនឡើងរុក្ខជាតិមានឱកាសចាប់យកអាហារបានច្រើន។

– ក្នុងដីមានបាក់តេរីល្អច្រើន នោះបរិមាណអាហារនៅក្នុងដីនឹងសល់កាន់តែច្រើន។

– មិនប៉ះពាល់ដល់សុខភាពរបស់អ្នកផលិត និងអ្នកប្រើប្រាស់។

សម្រួលអត្ថបទ៖ អ៊ាង សុផល្លែត
សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។