ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
រុក្ខជាតិដាំក្នុងផ្ទះ

វិធី​ងាយៗបណ្ដុះ​កូន​អំពិលទុកដាំឬ ទុកស្លរម្ជូរត្រី…!!

08-Jun-2019 10:08 AM

រូបភាព


ដោយ: Uddam

១-​ការរៀបចំ​បណ្ដុះ​គ្រាប់​
​យក​អំពិល​ទុំ​មក​បកសំបក​ចេញសំដិល​ថ្ងៃរួច​យកមក​ប្រលេះ​គ្រាប់​ចេញ​ឲ្យ​ស្អាត។យក​គ្រាប់អំពិល​ទៅ​ហាល​សំដិល​ថ្ងៃ ១ ទៅ២​ថ្ងៃបន្ទាប់មក​យក​គ្រាប់អំពិល​មក​ផ្អាប់​មួយ យប់ ទើប​យក​គ្រាប់អំពិល​ទៅ​បណ្ដុះ។​

២-​ការរៀបចំ​ដី​៖​កាប់​ដី​ហាលថ្ងៃ​រយៈពេល២​ទៅ​៣​ថ្ងៃ បន្ទាប់មក​យក​លាមក​សត្វ​មក​ច្របល់​ជាមួយ​ដី​ឲ្យ​សព្វ ជ្រុំដី​លើក​ជា​រង​រួច​យក​គ្រាប់​ទៅ​កប់​ដាំ និង​លុប​ដី​ស្ដើងៗ​ពីលើ និង​កុំ​ឲ្យ​ញឹក​ពេក បន្ទាប់​គឺ យក​ដី​លុប​ពីលើ​ឲ្យ​ជិត។ស្រោច​ទឹក​ពីលើ​ឲ្យ​ជោគ​មួយថ្ងៃ​ម្ដង​ទៅ​ពីរដងតាម​លក្ខណៈអាកាសធាតុ។ក្រោយពី​បណ្ដុះ​កូន​បាន​រយៈពេល​ពី៤​ទៅ​៥​ថ្ងៃ​គ្រាប់​នឹង​ដុះ​ពន្លក​ចេញ​សន្លឹក២។​

៣-​ការប្រមូល​ផល​ក្រោយពី​កូន​អំពិល​ដុះ​បាន​អាយុ ១០​ថ្ងៃ​ឡើងទៅ គឺអាច​ចាប់ផ្ដើម​កាត់​ស្លឹក​យកមក​បរិភោគ បាន ។ ការប្រមូល​ផល​ត្រូវធ្វើឡើង​ដោយ​ប្រើ​កន្ត្រៃ មិនត្រូវ​យកដៃ​បេះ​ទេ ពីព្រោះ​កូន​អំពិល នៅ​តូច​ងាយ​នឹង​រលើង​គល់​ផុតពី​ដី និង​អាច​បណ្ដាល​ឲ្យ​ងាប់​ដើម និង​អាច​ប្រឈម​នឹង​ការកើត មេរោគ​ផ្សិត​ក៏មាន ។

ចំណាំ បើសិន​កូន​អំពិល​មាន​អាយុ​ចាប់ពី ៣០​ថ្ងៃ​ឡើង គឺ​ការប្រមូល ផល​អាច​ប្រើ​ដៃ​ក៏បាន មិនមាន​បញ្ហា​ដល់​ការលូតលាស់​ឡើយ ។​សរុបមក បច្ចេកទេស​សំខាន់ៗ​ក្នុងការ​បណ្ដុះ​កូន​អំពិល​មាន​៖
–យក​គ្រាប់អំពិល​ហាល​សំដិល​ថ្ងៃ​រយៈពេល១-២​ថ្ងៃ រួច​ត្រាំ​ទឹក​៣​យប់ស្រង់​ផ្អាប់១​យប់ទើប​យកទៅ​ដាំ​
–រៀបចំ​ដី​ដោយ​លើក​ជា​រង និង​រោយ​ជី​កំ​ប៉ុស្តិ៍​កប់​ចូលក្នុង​រង

​–យក​គ្រាប់​កប់​ដាំ​រាក់ៗនិង​ព្រាច​ដី​ស្ដើងៗ​ពីលើ​
–ថែទាំ​ស្រោច​ទឹក​បោចស្មៅ​ជាប្រចាំ៕

អត្ថបទដោយ​: អ៊ាង សុផល្លែត​