** វិធីធ្វើភេសជ្ជៈខ្ជាយ ដើម្បីសុខភាព និងសម្រស់ (សក់ និងក្រចក)

1123

**​ វិធីធ្វើភេសជ្ជៈ ខ្ជាយ ដើម្បីសុខភាព និងសម្រស់ (សក់ និងក្រចក)

> វត្ថុធាតុដើមដែលត្រូវការ៖

– ខ្ជាយ ១ខាំ
– ​ទឹកឆ្អិន ២ពែង
– ក្រូចឆ្មា  ទឹកឃ្មុំ  ឬទឹកស្ករខាប់
-​ ទឹកកកដុំ

> វិធីធ្វើ៖

យកខ្ជាយ លាងទឹកស្អាត ហាន់ជាកង់ រួចចាក់ចូលម៉ាស៊ីនក្រឡុក ជាមួយទឹក ២ពែង ទាល់តែហ្មត់ រួចច្រោះយកកាកចេញ រួចថែមទឹកឆ្អិនឲ្យគ្រប់បាន ១លីត្រ អាចទុកក្នុងទូទឹកកកបាន១ខែ។

> វិធីប្រើ៖

ពេលញ៉ាំយើងចាក់ទឹកខ្ជាយ កន្លះកែវ ថែមទឹក ច្របាច់ក្រូចឆ្មា និងថែមទឹកឃ្មុំ ឬស្ករតាមចំណូល ដាក់ទឹកកកជាការស្រេច ។ បើមិនចូលចិត្តក្លិនខ្ជាយអាចលាយទឹកក្រូចកំប៉ុង ឬទឹកផ្លែឈើញ៉ាំក៏បាន។

ការញ៉ាំទឹកខ្ជាយដែលមានប្រសិទ្ធភាពល្អគួរលាយជាមួយរសជាតិផ្អែម ។

ខ្ជាយ លឿងដែលយើងលើកយកមកបង្ហាញនូវ គុណសម្បត្តិដ៏អស្ចារ្យ ក្នុងលំដាប់ជួរទី១នៃឱសថបុរាណ ដែលបច្ចុប្បន្នមានការផលិតជាថ្នាំទឹក និងគ្រាប់ ជាម្សៅ.. នៅប្រទេស មួយចំនួន ។ មានការអះអាងថា ខ្ជាយលឿង គឺជាបងប្អូននៃមើមថ្នាំចិនដ៏មានតម្លៃ និងដ៏ល្បីល្បាញ។ ខ្ជាយបរិបូណ៌ទៅដោយសារធាតុសំខាន់ៗ ដូចជា Calcium , Vit B1B2B3B6 …. មានប្រសិទ្ធភាពបង្កើនសមត្ថភាពផ្លូវភេទទាំងបុរស ទាំងស្ត្រី  សម្រួលតុល្យភាពអ័រមន Estrogen និង Testoterone និងជួយព្យាបាលអាការៈ ស្ត្រី វ័យជិតអស់រដូវ និង ក្រោយពេលអស់រដូវ។ មិនត្រឹមតែប៉ុណ្ណោះ ខ្ជាយជួយឲ្យអាយុវែង បំប៉នធាតុក្នុងរាងកាយ។  កែវិលមុខ ណែនដើមទ្រូង  បំប៉នបេះដូង ថ្លើម និង ក្រលៀន ( យកឬសនិងមើមខ្ជាយ ហាន់ល្អិតៗហាលថ្ងៃរហូតស្រួយ បុកឲ្យហ្មត់ឆុងទឹកពិសារម្តង១ស្លាបព្រាកាហ្វេ ) ។


ខ្ជាយបំប៉នឆ្អឹងក្រចក មិនឲ្យស្រួយឆាប់បាក់  សម្រួលដំណើរឈាមរត់ និងបំប៉នខួរក្បាល  ជួយសម្រួលសម្ពាធឈាមទាំង ឡើង និងចុះ ឲ្យមានភាពប្រក្រតី  ជួយអ្នកជម្ងឺ ពកក Hyper Thyroidជួយការពារបុរសភេទនូវ ពងស្វាសរីកធំ  ការពារជំងឺមហារីក ជួយ រក្សាស្បូន  ជំងឺឬសដូងបាត ( មើមខ្ជាយ ៦-៨ មើម ផ្សំនិងសាច់អំពិលទុំ 60g អំបិល ៣ស្លាបព្រាបាយបុកបញ្ចូលគ្នា រួចយកទៅដាំជាមួយទឹក ៦កែវឲ្យនៅសល់២កែវ ពិសារម្តងកន្លះកែវ មុនចូលគេង ពិសារ ១ខែរហូតជាសះស្បើយ)។ ខ្ជាយបំបាត់ចុករាគមួលឈាម ហើមពោះ បំបាត់ចុករោយស្រពន់ …. .។ ពិសេស ខ្ជាយ ជួយបំប៉នសក់ ឲ្យដុះក្រាស់ បំបាត់ការជ្រុះសក់ការពារ និង បន្ថយសក់ស្កូវ ។ ល។

ចំណាំ៖ ខ្ជាយ សម្រាប់ប្រើប្រាសក្នុងគ្រឿងផ្សំម្ហូប មិនមែនជាឱសថព្យាបាលជំងឺទេ គ្រាន់តែមានគុណសម្បត្តិ ជួយថែរក្សាជំងឺ ។

 

ប្រភព៖ The Memories

 

 

 

SHARE

LEAVE A REPLY

Please enter your comment!
Please enter your name here