ដើមកណ្តាប់ចង្អេរ Pouzolzia zeylanica ថ្នាំផ្សះស័ក្តិសិទ្ធិ antibactérienne ប្រឆាំងនឹង Staphylococus aureus, Escherichia Coli and Streptococcus haemolyticus

– ជាស្មៅទាបៗ កំពស់ពី១០ទៅ៧០ស.ម ដុះនៅស្រុកយើង មានដុះតាមមាត់ផ្លូវ នឹងមាត់ព្រៃធំ តាមព្រៃស្ទឹង ស្លឹកមានម្រោមតិចៗ Herbe rudérale et de lisière de forêt។ អ្នកស្រែ នឹងគ្រូថ្នាំខ្មែរស្គាល់ច្បាស់ណាស់ ព្រោះជាដើមថ្នាំពូកែស័ក្តិសិទ្ធិ សំរាប់ព្យាបាលដំបៅរលួយ ។ ក្នុងក្បួនឱសថបុរាណខ្មែរ ដើមថ្នាំនេះសំខាន់ណាស់ គេយកស្លឹក ដើម ប្រើលាយជាមួយដើមមុខឈ្នាង ព្យាបាយជម្ងឺរបេងសួត បើលាយជាមួយនឹងសំបកឆ្កែស្រែង ហើយដាំឆុងផឹក គឺសំរាប់ព្យាបាយជម្ងឺមហារីក (ដែលខ្ញុំអធិប្យាយពេលក្រោយ)។

» ដើមកណ្តាប់ចង្អេរ ជាថ្នាំផ្សះដំបៅរីករលួយយ៉ាងស័ក្តិសិទ្ធិ

ព្យាបាលបូស ទំលាក់ព្រូន  ហើមឈឺធ្មេញ ជំនួយឲ្យមានទឹកដោះ

ជួយចែកគ្នាដឹងផងរុក្ខជាតិឱសថខ្មែរយើង

– វាជាដើមថ្នាំពូកែស័ក្តិសិទ្ធិ សំរាប់ព្យាបាលដំបៅរលួយ។ ក្នុងក្បួនឱសថបុរាណខ្មែរ ដើមថ្នាំនេះសំខាន់ណាស់ គេយកស្លឹក ដើម ប្រើលាយជាមួយដើមមុខឈ្នាង ហាលឲ្យស្ងួតស្ងោរផឹកព្យាបាយជំងឺរបេងសួត។

– ស្មៅទាំងមូលបុកច្របាច់យកទឹកផឹក លាយទឹកដូងក៏បាន គឺសំរាប់ព្យាបាលជំងឺគ្រុនរាគ និងរាគមួល ហើមឈឺធ្មេញ រលាកប្លោកនោមៗក្រហាយ នឹងព្យាបាលដំបៅមានខ្ទុះ។

– ស្លឹកស្រស់បុកហ្មត់ បំពោកបិទលើស្នាមរបួស លើដំបៅរីករលួយ ឬលើបូសទ្រនិច សំរាប់សំឡាប់មេរោគ នឹងធ្វើឲ្យសះរបួស។

– ដើមទាំងអស់បុកជ្រុំឲ្យហ្មត់ ធ្វើជាថ្នាំបំពោកលើកន្លែងគ្រោះថ្នាក់ឆ្អឹងបាក់ ជួយអោយឆ្អឹងឆាប់ជាប់ ដំបៅឆាប់ជា។

– ស្លឹកស្រស់បុកហ្មត់ ច្របាច់យកទឹកផឹក អាចជួយអោយឡើងទឹកដោះ នឹងជួយទំលាក់ព្រូនផងដែរ។

– គេអាចប្រើស្មៅនេះជំនួសថ្នាំផ្សះ សំឡាប់មេរោគ ដើម្បីព្យាបាលជម្ងឺសត្វចិញ្ចឹម ដូចជាឆ្កែឆ្មា ជ្រូកគោមាន់ទា ដោយលាយវាក្នុងចំណីសត្វ ដើម្បីអោយសត្វស៊ី។

សូមពិនិត្យ និងពិគ្រោះជាមួយពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែអ្នកមិនមានជម្រើសផ្សេង។

អត្ថបទ៖ Ouch Sophal