ឱសថបុរាណធម្មជាតិ
ពេលទាល់ខ្លាំងរកថ្នាំក្អកមិនទាន់ ចូលទៅផ្ទះបាយរកគ្រឿងផ្សំទាំងនេះ ដាក់ភ្លាមបាត់ភ្លែត!
រូបភាព
ការក្អកគឺជាប្រតិកម្មរបស់រាងកាយក្នុងការបញ្ចេញខ្យល់ក្នុងសួតទៅតាមមាត់ ដែលវាបង្កឡើងដោយការភ្ញោចលើសរសៃវិញ្ញាណក្នុងភ្នាស់ផ្លូវដង្ហើម។ វាគឺជាសកម្មភាពដែលរាងកាយរបស់អ្នកបញ្ចេញរាល់សារធាតុទាំងឡាយណា ដែលធ្វើអោយរលាកផ្លូវចង្ហើម។ វាគឺជាជំងឺមួយ ប៉ុន្តែជាធម្មតាមិនមែនជាករណីធ្ងន់ធ្ងរទេ ហើយវាក៏បាត់ទៅវិញដោយខ្លួនឯងដែរ។
ទោះបីជាយ៉ាងណាក៏ដោយ ការក្អកគឺជាអ្វីដែលធ្វើអោយរលាកខ្លាំងបំផុត ហើយវាប្រហែលជារោគសញ្ញានៃជំងឺណាមួយហើយដែរ។ វាអាចជាសញ្ញាបញ្ជាក់ថា មានអ្វីមួយខុសពីធម្មតាក្នុងរាងកាយ ជាពិសេសប្រព័ន្ធផ្លូវដង្ហើមអ្នកតែម្តង។
មានថ្នាំជាច្រើនប្រភេទលក់នៅទីផ្សារសម្រាប់ព្យាបាលក្អកស្ទើរជ្រុះសួត។ ពិតណាស់ ចំណោមថ្នាំក្អកទាំងអស់ផ្ដល់នូវប្រសិទ្ធភាពដោយគ្មានប៉ះពាល់ដល់សុខភាពអ្វីនោះទេ។ ផលប៉ះពាល់គឺដោយសារថ្នាំទាំងនោះមានលាយជាមួយនឹងសារធាតុគីមី ឬជាថ្នាំក្លែងក្លាយដែលចរាចរណ៍នៅលើទីផ្សារ ដែលមនុស្សមិនអាចមើលដឹងបានហើយបណ្ដាលឱ្យយើងខូចសុខភាព។
ប្រសិនបើអ្នកព្រួយបារម្ភរឿងថ្នាំទាំងនោះ មួយចំនួនក្លែងក្លាយ លោកអ្នកអាចផលិតថ្នាំក្អកបែបធម្មជាតិដោយខ្លួនឯងបាន។
អ្វីដែលអ្នកត្រូវការគឺ៖
- ខ្ញីកិនម៉ដ្ឋជាម្សៅ ១/២ ស្លាបព្រាកាហ្វេ
- ទឹកឃ្មុំ ១ ស្លាបព្រាបាយ
- ទឹកក្រូចឆ្មារ ១ ស្លាបព្រាបាយ
– ម្សៅគ្រាប់ឃ្លាំពូ ១/៤ ស្លាបព្រាកាហ្វេ
- ទឹក ១ កែវ
- ស្ករស ១៤០ ក្រាម
* របៀបធ្វើ៖
-យកខ្ទះ ឬឆ្នាំងមួយដាក់ទឹកមួយកែវ និងចាក់ស្ករចូលកែវទឹកនោះ
-ច្របាច់ក្រូចឆ្មារ យកទឹកវាមួយស្លាបព្រាបាយដាក់ចូលក្នុងខ្ទះ
-បន្ទាប់មកដាក់ទឹកឃ្មុំ ១ ស្លាបព្រាបាយចូល ហើយចុងក្រោយម្សៅខ្ញី ១/២ ស្លាបព្រាកាហ្វេ។
-បន្ទាប់មកដាក់ម្សៅគ្រាប់ឃ្លាំពូ ១/៤ ស្លាបព្រាកាហ្វេ
- បន្ទាប់មកទៀតបើកភ្លើងដាំ ១៥ ទៅ ២០ នាទីរហូតវារមួតចូលគ្នាល្អ 
-បន្ទាប់មកយកទឹកដែលធ្វើរួចដាក់លើក្រដាសដុតនំមួយដំណក់ៗដូចជាស្ករគ្រាប់ ហើយទុកចោលឱ្យវាត្រជាក់ ២០ នាទី។
– នៅពេលវាត្រជាក់ ជះម្សៅរោយនំ ដើម្បីកុំឱ្យវាជាប់នឹងក្រដាសពេលទាញវាមក។ ចុងក្រោយរកប្រអប់មួយដើម្បីទុកវាប្រើប្រាស់។
-នៅពេលអ្នកផ្ដាសាយ ឬឈឺបំពង់ក ឬក្អក សូមយកទឹកក្ដៅមួយកែវ ដាក់ទម្លាក់គ្រាប់ថ្នាំក្អកនោះ ២ គ្រាប់ពិសាជាការស្រេច។
** សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែអ្នកមិនមានជម្រើសផ្សេង។
សម្រួលអត្ថបទដោយ៖ អ៊ាង សុផល្លែត
