វិធីធ្វើឆាសណ្តែកបណ្តុះ+គ្រឿងផ្សំ៖-សណ្តែកបណ្តុះ ១គីឡូ-ផ្កាកាឆាយ ឬផ្កាខ្ទឹម ៣ខាំ-ឈាមជ្រូក ៣ខាំ (ហាន់ជាដុំៗ ធំល្មម)-សាច់ជ្រូក ៣ខាំ (ហាន់ស្តើងៗ តូចៗល្មម)-តៅហ៊ូ ៤ដុំ ហាន់ជា៤ ឬ ៦ចំនែក ចៀនអោយក្រហម-បង្គា និងមឹក កន្លះគីឡូ មកសម្បកអោយស្អាត-ប្រេងឆា ២ស្លាបព្រាបាយ-ខ្ទឹមសចិញ្រ្ចាំ ២ស្លាបព្រាបាយ-ប្រេងខ្យង ២ស្លាបព្រាបាយ-អំបិល ១ស្លាបព្រាកាហ្វេ-ម្សៅស៊ុប ១ស្លាបព្រាបាយ-ស្ករ ១ស្លាបព្រាបាយ-ទឹកត្រី ១ស្លាបព្រាបាយ+របៀបធ្វើ
-លាយគ្រឿងផ្សំរសជាតិទាំងអស់ជាមួយសាច់ជ្រូកអោយសព្វទុកចោល៣នាទី។
-ដាំខ្ទះ ដាក់ប្រេងឆា និងខ្ទឹមចូលបំពងអោយក្រហមសឹមដាក់សាច់ជ្រូកចូលឆាប្រហែល៣នាទី រួចដាក់បង្គា មឹក និងតៅហ៊ូអោយសព្វទុកប្រហែល២នាទី។
-ដាក់ឈាមជ្រូកចូលឆាអោយសព្វ (ឆាតិចៗ) រួចដាក់ផ្កាកាឆាយចូលឆាអោយឆ្អឹន សឹមដាក់សណ្តែកចូលឆាអោយសព្វ គ្របទុកប្រហែល៣នាទីកូអោយសព្វជាការស្រេច៕សម្រួលអត្ថបទដោយ៖ខ្ទឹមស