*វត្ថុត្រូវការ៖ កាំបិតមុតតូចមួយ ខ្សែសម្រាប់ចង ថង់ប្លាស្ទិច ទំហំ 3 x 5 អ៊ីញ ស្រកីដូង ដីកំទេចស្លឹករុក្ខជាតិ និងស្នៀតឈើ។

*វិធីផ្សាំ៖
-ជ្រើសរើសដើមល្ហុងញី ណាដែលចាស់ល្មមពូជមានផ្លែច្រើន មានសុខភាពល្អ ធន់នឹងជម្ងឺសម្រាប់យកមកផ្សាំ

-បន្ទាប់មកកាត់ដើមនោះចោលទុកកម្ពស់ប្រមាណ ១,៥ម៉ែត្រ ពីដី ២ខែ ក្រោយមកវានឹងដុះចេញខ្នែងកូនតូចៗប្រមាណ ៥ទៅ៦ ដើម

-យកកំទេចដី លាយជាមួយកំទេចស្រកីដូង (ដាក់ដី១/៣) រួចដាក់ចូលថង់ប្លាស្ទិច

-កាត់បញ្ចិត ជ្រៀកកូនខ្នែងដែលដុះនោះត្រង់គល់ពីក្រោមទៅលើ ប្រមាណ ១តឹក រួចយកស្នៀតឈើស៊កចូលចន្លោះនោះ
-វះថង់ខាងលើរួចយកដីចេញខ្លះ រួចយកមកចងផ្អោបជុំវិញកន្លែងដែលកាត់នោះ បន្ទាប់មកស្រោចទឹកចូលឲ្យសព្វចូលក្នុងដីនោះ រួចយកខ្សែរុំជុំវិញឲ្យជាប់

-ដាក់ទឹកឲ្យវាក្នុងរយៈពេល ២ថ្ងៃម្តង ដាក់កម្រិតល្មមកុំឲ្យវាជាំពេក ឬមើលតាមជាក់ស្តែងថាវាស្ងួត ឬអត់
– រយៈពេលប្រមាណ ៤០ថ្ងៃ វានឹងចេញឫសដែលយើងអាចមើលឃើញនៅក្នុងថង់នោះ ដែលយើងអាចយកវាទៅដាំក្នុងផើងបាន។ រយៈពេលប្រមាណ២ខែជាងវានឹងចាប់ផ្តើមចេញផ្កា។

អត្ថបទដោយ៖ អ៊ាង សុផល្លែត