ឱសថធម្មជាតិនេះជួយច្រើនណាស់! ជួយបំបាត់វិលមុខ ព្យាបាលរលាកប្រហោងឆ្អឹងមុខ ឈឺក្បាល ឫសដូងបាត និងសម្ពាធឈាមឡើង បញ្ចុះទឹកនោម ព្យាបាលច្រាំង ដំបៅអណ្ដាត និងបំពង់ ក ព្យាបាលរោគស្វាយពីខាងក្រៅ

រុក្ខឱសថ៖ ពោលឃុំ។ ពោលឃុំ ជាចុល្លព្រឹក្សមានកំពស់ ០,៨-០,៥ម ដែលមានស្លឹកស្វិតរួមផ្សំឆែកជាក្លែបៗ និងមានធ្មេញរណារ ឫស មានក្លិនក្រអូប ដែលមានការចូលចិត្ត មានឬស ដូចដើម Parsley (Petselium cripuml)។ ផ្កាពណ៌បៃតងភាវ ក្លិនក្រអូបនៃដើមពោលឃុំ គេតែងតែនិយមប្រើអប់សំពត់អាវ។

ផ្នែកដែលប្រើប្រាស់៖ ស្លឹក ឫស សំបក
ការប្រើប្រាស់ជាឱសថ
គេប្រើប្រាស់រុក្ខជាតិនេះ ធ្វើជាឱសថព្យាបាលជំងឺដូចជាៈ

-ស្លឹកប្រើជាថ្នាំសម្រាប់ឆ្ពង់ ជួយឱ្យចេញញើស និងបំបាត់វិលមុខ។ ស្លឹកដាំទឹកព្យាបាលរលាកប្រហោងឆ្អឹងមុខ ឈឺក្បាល ឬសដូងបាត និងសម្ពាធឈាមឡើង។

-ឫសជាថ្នាំសម្រាប់បញ្ចុះទឹកនោម សំបកដើមបុកពូតយកទឹកសម្រាប់ធ្វើថ្នាំព្យាបាលច្រាំង ដំបៅអណ្ដាត និងបំពង់ ក។
-សំបកប្រើជាថ្នាំបុកបិតព្យាបាលរោគស្វាយពីខាងក្រៅ។

**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទ៖ អ៊ាង សុផល្លែត
ឯកសារយោង៖ សៀវភៅរុក្ខជាតិឱសថកម្ពុជា