នេះជាឱសថធម្មជាតិបូរានខ្មែរយើង ដែលចាស់ៗបូរាណយកមកព្យាបាលកញ្ជ្រិល គ្រុនក្ដៅ បញ្ចេញញើស ក្អកមាន់ រលាកទងសួត រលាកបំពង់ក គ្រុនចាញ់ រាកមួល (ប្រើខាងក្រៅ) ពស់ចឹក បូស រមាស់។ ​សូមចែករំលែកបន្តទុកជាចំណេះដឹងល្អៗ។

ឈ្មោះរុក្ខឱសថ៖ កក់ក្ដាម (ស្មៅ)

លក្ខណៈរុក្ខជាតិ ៖ ជាស្មៅ រស់បានយូរឆ្នាំ មានកំពស់ ៧-២០ស.ម។

ស្លឹក ៖ ស្លឹកខ្លីជាងដើម។

ផ្កា ៖ មានរាងមូល មានវិជ្ជមាត្រពី ៤-៨មម ពណ៍ស។

ផ្លែ ៖ រាងពងក្រពើសំប៉ែត។

កន្លែងដាំដុះ ៖ ដុះតាមចិញ្ចើមថ្នល់ តាមវាលស្រែ ដីវាលទំនេរ បន្តពូជដោយគ្រាប់។
ផ្នែកប្រើប្រាស់៖ រុក្ខជាតិទាំងមូល។

កបនឹងជម្ងឺ៖ គ្រុនក្ដៅ បញ្ចេញញើស ក្អកមាន់ រលាកទងសួត រលាកបំពង់ក គ្រុនចាញ់ រាកមួល។
(ប្រើខាងក្រៅ) ពស់ចឹក បូស រមាស់។

ឫស និងមើម ព្យាបាលកញ្ជ្រិល។

កំរិតប្រើ៖ ស្ងួត 10g-30gស្ងោរផឹកសំរាប់មួយថ្ងៃ។ គ្រុនចាញ់60g ផឹកបួនម៉ោងមុនគ្រុន។

*ហាមប្រើ ស្ត្រីមានផ្ទៃពោះ
**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទដោយ៖ អ៊ាង សុផល្លែត
ឯកសារយោង៖ រុក្ខជាតិឱសថកម្ពុជា