រុក្ខជាតិ ៖ ត្បាល់ដែក
លក្ខណៈរុក្ខជាតិ ៖ តិណជាតិដុះជាគុម្ពរស់បានយូរឆ្នាំ មានឫសវែង មានពណ៌ស ទំហំ២-៣ម.ម មាន ជាតិទឹកច្រើន

ស្លឹក ៖ ដុះចេញពីឫស ទងវែង រាងផ្លែលំពែងទ្រវែងមានទ្រនុងស្របច្រើនរាងជាឆ្នូតៗ។

ផ្កា ៖ កញ្ចុំផ្ការាងជាកួរវែងប្រវែង ៨-១៥ស.ម។ផ្កាស្ថិតនៅផ្នែកខាងលើ២ភាគ៣នៃទង។ ផ្កានីមួយៗមានទងប្រវែង១-៣ម.ម មានកេសរ៦ជាប់គ្នា។ ផ្កានៅខែ១១។

កន្លែងដាំដុះ៖ ដុះនៅតំបន់ព្រៃភ្នំ ដែលមានដីសើម ក្រោមដើមឈើធំ មាត់ជ្រោះ ។ល។
រសជាតិ ៖ រសផ្អែម សាប។

ផ្នែកប្រើប្រាស់៖ ឫស
កបនឹងជម្ងឺ៖ ប៉ូវកំលាំង ក្អកមានស្លេស្ម៏ ឈឺទ្រូង ដួលប៉ះទង្គិចឈឺឆ្អឹងជំនី។

វិធីធ្វើ និងប្រើប្រាស់ ៖យកឫសហាលឱ្យស្ងួត ។ កម្រិតប្រើ ១៥-២០ក្រាម យកទៅដាំផឹកផឹកសម្រាប់មួយថ្ងៃ។

**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទដោយ៖ អ៊ាង សុផល្លែត
ឯកសារយោង៖ រុក្ខជាតិឱសថកម្ពុជា