នេះ គឺជារូបមន្ត រូបមន្តធម្មជាតិលាងសម្អាតម្រងនោម ជំនួយឈាម ការពារបញ្ហាទល់លាមក ការពារជំងឺមហារីក ជួយថែរក្សាប្រព័ន្ធប្រសាទ និងជួយឲ្យភ្នែកភ្លឺល្អ។ សាមញ្ញងាយធ្វើ គ្រឿងផ្សំងាយរកថែមទៀតផង។ សាកល្បងបាន។

ធាតុផ្សំរួមមានៈ ល្ហុងទុំ ១ចំណិតធំល្មម ទឹកស្អាតកន្លះកែវ ទឹកកកកន្លះកែវ ទឹកក្រូចឆ្មារ ២ស្លាបព្រាបាយ ទឹកឃ្មុំ ៣ស្លាបព្រាបាយ និងអំបិលមួយចិប។

វិធីធ្វើ និងប្រើប្រាស់៖

-លាយធាតុផ្សំទាំងអស់បញ្ចូលគ្នា រួចក្រឡុកឲ្យម៉ត់ក្លាយជាល្បាយតែមួយ

-ត្រូវទទួលទានភ្លាមៗ ដើម្បីទទួលទានតម្លៃអាហារូបត្ថម្ភពីល្ហុងទុំទាំងស្រុង

-សូមទទួលទានមួយថ្ងៃ ១កែវជាប្រចាំ អ្នកនឹងទទួលបានអត្ថប្រយោជន៍រាប់ភ្លេច

ចំណាំៈ នៅពេលចិតសំបកល្ហុងទុំ អ្នកពុំគួរចិតក្រាស់ៗនោះទេ ព្រោះនៅលើសំបកល្ហុងទុំមានផ្ទុកសារធាតុប្រឆាំងអុកស៊ីតកម្មដ៏ច្រើនលើសលុបសម្រាប់រាងកាយ។

ល្ហុងទុំ គឺជាផ្លែឈើធម្មជាតិមួយប្រភេទដែលមានរសជាតិផ្អែមឆ្ងាញ់ ហើយផ្តល់អត្ថប្រយោជន៍យ៉ាងច្រើនសម្រាប់សុខភាព។ ក្រៅពីអត្ថប្រយោជន៍ខាងលើ ល្ហុងទុំ អាចជួយកាត់បន្ថយបញ្ហាគ្រុនក្តៅក្នុងពេលមករដូវ ជំរុញដល់ការរំលាយអាហារ កាត់បន្ថយអាស៊ីតក្នុងក្រពះ កាត់បន្ថយចំណង់អាហារ ជួយឲ្យប្រសើរឡើងនូវមុខងារពោះវៀន បានយ៉ាងល្អថែមទៀតផង។

**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទ៖ អ៊ាង សុផល្លែត