ឱសថបុរាណធម្មជាតិ
រូបមន្តធម្មជាតិព្យាបាលចុកតម្រងនោមឱ្យបាត់ឈឹង បាត់លើសឈាម បាត់ឈឺតម្រងនោម ក្នុងខ្លួនរហ័សរហួនរហូត
រូបភាព
មុននឹងស្វែងយល់អំពីរូបមន្តធម្មជាតិព្យាបាលចុកតម្រងនោមឱ្យបាត់ឈឹង បាត់លើសឈាម បាត់ឈឺតម្រងនោម សូមមកស្វែងយល់អំពីជំងឺតម្រងនោមបន្តិចជាមុនសិន។
តម្រងនោមមានតួនាទី រំលាយ ជាតិពុលដែលជាកាកសំណល់ផលិតជាធម្មតាដោយសរីរាង្គកាយ និងដែលពាំនាំដោយឈាម។ សារធាតុនេះគ្មានប្រយោជន៍ និងថែមទាំងអាចបំពុលខ្លួនប្រាណមនុស្សយើងផង ប្រសិនគ្មានបញ្ជូនចេញពីខ្លួន។ ជារៀងរាល់ថ្ងៃ តម្រងនោមច្រោះឈាមប្រមាណ១៨០លីត្រ និងបញ្ចេញជាទឹកនោមមកក្រៅប្រមាណពី១លីត្រកន្លះទៅ ពីរលីត្រ។ មានជំងឺច្រើនណាស់អាចបង្ក និងបំផ្លាញតម្រងនោម ជួនដោយមានការបង្ករោគ ជួនដោយមានដំណើរមិនប្រក្រតីលើប្រព័ន្ធការពារខ្លួន ជួនដោយហេតុតែបានស្រូបសារធាតុពុល នៃថ្នាំពេទ្យ។ល។ និង។ល។
ជំងឺសរសៃឈាមបេះដូង លើសឈាម ឬទឹកនោមផ្អែម ក៏អាចធ្វើខូចតម្រងនោម … គេប៉ាន់ប្រមាណថាមានប្រជាជន ៥រយលាននាក់កើតជំងឺតម្រងនោម នៅលើពិភពលោកបច្ចុប្បន្ននេះ។
ជំងឺតម្រងនោម ជាឃាតករស្ងាត់ៗ ! ខុសពីជំងឺផ្សេងៗទៀត តម្រងនោម អាចសំងំវិវឌ្ឍជាជំងឺធ្ងន់ទៅៗ ស្ងៀមយ៉ាងយូរ វិភាគរកមិនឃើញ និងគ្មានរោគសញ្ញាអ្វីគួរឱ្យកត់សម្គាល់ច្បាស់លាស់ សម្រាប់គ្រូពេទ្យ ឬអ្នកជំងឺផ្ទាល់ជាមុនទេ។ តម្រងនោមមានពីរ និងជាសរីរាង្គដ៏ចាំបាច់បំផុតរបស់មនុស្ស។ ដោយសារតម្រងនោមនេះហើយទើបយើងអាចរស់រានមានជីវិតនៅលើដីបាន។
បើតម្រងនោមលែងដំណើរការ បន្តិចម្តងៗ យើងនឹងមានស្តុកសារធាតុអំបិល ទឹកកាន់តែច្រើនឡើងៗ យើងនឹងមានសភាពតានតឹងជាលំដាប់ យើងនឹងមិនអាចកម្ចាត់សារធាតុ មួយចំនួន ដូចជាសារធាតុប៉ូតាស្យូម … ដោយហេតុថាតម្រងនោមក៏មានតួនាទីផលិតវីតាមីនដេសកម្ម អ៊ីចឹងយើងនឹងមានសុខភាពឆ្អឹងចុះខ្សោយប្រសិនបើមានជំងឺតម្រងនោម ឬមានបញ្ហាខ្វះគ្រាប់ឈាមក្រហម ព្រោះថាតម្រងនោមក៏មានចំណែកចូលរួមផលិតអរមូន។
លក្ខណៈទូទៅ នៅពេលតម្រងនោមមានដំណើរការមិនស្រួល សរីរាង្គកាយមនុស្សយើងអាចទទួលរងផលវិបាកមួយចំនួនដូចជា ៖
-សំណល់ជាតិពុល ទៅផ្តុំនៅក្នុងឈាម។ អារម្មណ៍ថាមានការឈឺចុកចាប់បានលេចឡើង ចង់ក្អួត ចង្ហោរ លែងឆា្ងញ់បាយ ពិបាកដំណេក។ អាស៊ីដូស មេតាលិកក៏ស្ថាបនាខ្លួនឡើង ព្រោះតម្រងនោមលែងមានសមត្ថភាពរំលាយជាតិអាស៊ីតឱ្យអស់ពីខ្លួន
-ខួរឆ្អឹង លែងផលិតគ្រាប់ឈាមក្រហម សំរាប់ដឹកនាំខ្សល់អ៊ុកស៊ីសែនទៅឱ្យឈាម ព្រោះតម្រងនោមលែងដំណើរការ លែងផលិតប្រូតេអ៊ីនសម្រាប់ទៅរំញោចខួរឆ្អឹង។ ខ្វះឈាម យើងនឹងមានអាការៈនឿយហត់ខ្លាំង និងជាប់ជាប្រចាំ
-យន្តការបែងចែកជាតិកាល់ស្យូម ហ្វូស្វ័រ លែងប្រក្រតី បន្តធ្វើឱ្យយន្តការផលិតជាតិអ័រមូនមានដំណើរការលែងស្រួលដែរ ប្រឹងតែទៅបឺតយកកាល់ស្យូមពីឆ្អឹងមកចិញ្ចឹមឈាម តែទីបំផុតធ្វើឆ្អឹងចាប់ពុក
-តម្រងនោមបញ្ចេញទឹកនោមតិច ដែលជាហេតុងាយបង្កឱ្យមានការហើម ហើមដៃ ជើង ឬហើមសួតផង សម្រាប់អ្នកមានជំងឺបេះដូងជាប់ខ្លួន
-បើការខ្សោយតម្រងនោមឈានដល់កំរិតចុងក្រោយ លែងដំណើរការសោះ នោះជាតិប៉ូតាស្យូមនឹងកើនឡើងខ្លាំង រហូតបង្កជាការស្ពឹកស្រពន់ ឬគាំងបេះដូងតែងម្តង
មនុស្សដែលមានតម្រងនោម ដំណើរការមិនពេលលេញ អាចមានអារម្មណ៍ដឹងថាមានអាការៈសញ្ញា មួយចំនួន ៖ បត់ជើងតូចញឹកញាប់ពេលយប់ មានក្លិនមិនល្អក្នុមាត់ បាយលែងឆ្ងាញ់ ហត់ រងាក់រងើចង់ក្អួត រមាស់ ស្ពឹកស្រពន់ពេលយប់ ប៉ោងត្របកភ្នែក ឬហើមជើង…។
ខាងក្រោមនេះជាបទពិសោធន៍ជាពិតៗរបស់ម្ចាស់គណនីហ៊្វេកប៊ុក Keo Kimleng ក្នុងការប្រើប្រាស់រូបមន្តធម្មជាតិនេះព្យាបាលចុកតម្រងនោមឱ្យបាត់ឈឹង បាត់លើសឈាម បាត់ឈឺតម្រងនោម ក្នុងខ្លួនរហ័សរហួនរហូត។
ខ្ញុំយកជីវ៉ាន់ស៊ុយក្រឡុកម៉ាស៊ីន រួចច្រោះយកទឹកហូបមួយថ្ងៃម្តង ម្តងកន្លះកែវ រឿងចុកតម្រងនោមបាត់ឈឹង។
ហូបពេលព្រឹកម៉ោង៧ ល្ងាចម៉ោង៦ មុនបាយក៏បាន ក្រោយបាយក៏បាន។
ទៅទិញនៅផ្សារតាខ្មៅ១០ដុំ តែ៥០០០រៀល យកមកលាងឱ្យស្អាត រួចក្រលុកច្រោះយកទឹកក្លាសេក្នុងទូទឹកកកហូបរាប់អាទិត្យបាត់លើសឈាម បាត់ឈឺតម្រងនោម ក្នុងខ្លួនរហ័សរហួនរហូត។ ខ្ញុំបានប្រាប់មិត្តភក្តិនៅកាណាដា បានជាដូចគ្នា។
ការការពារតម្រងនោម
នៅពេលមានសុខភាពល្អ រឹងមាំ ការអនុវត្ត និងមានវិន័យល្អ ក្នុងការរស់នៅ អាចជួយរក្សាសុខភាពតម្រងនោម ក្រលៀន ឱ្យនៅល្អបានយូរ។ ការអនុវត្ត និងគោរពវិន័យអនាម័យជីវិត ដែលថែមទាំងអាចជួយរួមចំណែកការពារប្រឆាំងទប់ទល់នឹងជំងឺសរសៃឈាមបេះដូង និងមេតាបូលិកផ្សេងៗ។ អនាម័យជីវិតក្នុងការរស់នៅប្រចាំថ្ងៃដែលគ្មានអ្វីក្រៅពី ៖
– បរិភោគទឹកទៅតាមសេចក្តីត្រូវការរបស់សរីរាង្គ (យ៉ាងហោចមួយ១ លីត្រក្នុងមួយថ្ងៃ មិនមែនម្តងមួយលីត្រ ឱ្យតម្រងនោមប្រឹងធ្វើការនោះទេ
– បរិភោគមានលំនឹង ចំណីអាហារបន្លែសាច់គ្រប់មុខលាយគ្នា ដើម្បីធ្វើយ៉ាងណាកុំឱ្យឡើងទម្ងន់ជ្រុល
– មិនទទួលទានអាហារប្រៃពេក ព្រោះនាំឱ្យកើតជំងឺឡើងឈាម
– មិនជក់បារី
-ធ្វើកីឡា ធ្វើពលកម្ម ជាប្រចាំ
– មួយវិញទៀត ត្រូវប្រុងប្រយ័ត្ននឹងសារធាតុមួយចំនួនដែលអាចបំពុលក្រលៀន ដោយត្រូវចៀសវាងឱ្យបានជាដាច់ខាត ការប្រើថ្នាំអង់ទីអាំផ្លាម៉ាទ័រ ដោយខ្លួន (ពពួកអាស្ពីរីន ពពួកថ្នាំបំបាត់ការឈឺចាប់ ដូចយ៉ាងប៉ារ៉ាសេតាម៉ុល ដែលអាចបំពុលតម្រងនោម ប្រសិនបើប្រើច្រើននិងយូរពេល) ហើយសូមប្រុងប្រយ័ត្ន នឹងរបបចំណីអាហារដែលប្រកបដោយជាតិប្រូតេអ៊ីន ព្រោះវាងាយនឹងធ្វើឱ្យតម្រងនោមនឿយហត់ណាស់។
សម្រួលអត្ថបទ៖ អ៊ាង សុផល្លែត
