គ្រឿងផ្សំ៖ សាច់គោ កន្លះគីឡូ, ម្សៅពោត ១៥ក្រាម, ម្សៅដុតនំ (Banking powder) ១ស្លាបព្រាកាហ្វេ, ទឹក ៥០មីលីលីត្រ, ទឹកត្រី ១ស្លាបព្រាបាយ, អំបិល ១០ក្រាម, ម្រេចម៉ត់ កន្លះស្លាបព្រាកាហ្វេ។

វិធីធ្វើ៖

១.ហាន់សាច់គោជាដុំៗតូចល្មម រួចយកទៅកិនឲ្យសាច់ម៉ត់ល្អ

២.លាយទឹក ទឹកត្រី អំបិល ម្រេចម៉ត់ ម្សៅពោត និងម្សៅដុតនំចូលគ្នា កូរឲ្យសព្វ

៣.បន្ទាប់មកចាក់គ្រឿងដែលលាយហើយចូលជាមួយសាច់ កិន ឬច្របល់ចូលគ្នាឲ្យសព្វល្អ រួចដួសដាក់ចានគ្របទុកដាក់ចូលទូរទឹកកកប្រហែល ១០នាទី

៤.ដាក់ឆ្នាំងដាំទឹកឲ្យពុះ រួចបិទភ្លើង (បើទឹកពុះ ពេលដាក់ប្រហិតស្ងោរចូលនឹងបែកសាច់) ហើយមូលសាច់ជាដុំៗ ដាក់ចូលឆ្នាំង ទុកឲ្យប្រហិតអណ្តែតឡើង

៥.បន្ទាប់មកស្រង់ដាក់ត្រាំទឹកកក ឬទឹកត្រជាក់ធម្មតាមួយសន្ទុះ រួចស្រង់ចេញជាការស្រេច។ *អាចយកដាក់ទុកក្នុងទូរទឹកកកបាន៕ ចុចមើលវីដេអូពីវិធីធ្វើនៅខាងក្រោម៖

វីដេអូវិធីធ្វើ៖

សម្រួលអត្ថបទដោយ៖ ស្រីពៅ