រុក្ខឱសថ ៖ ក្រចាប់គោក

លក្ខណៈរុក្ខជាតិ៖ តិណជាតិ បែកមែក លាតសន្ធឹងលើដី។

ស្លឹក៖ ស្លឹករួមស្លាបគូ ដុះទល់ទង មានខ្នាយស្ទបរាងដូចផ្លែលំពែង។ កូនស្លឹកមានពី 5-7គូ រាងស៊ុតទ្រវែង បណ្ដោយ 6-15ម.ម ទទឹង2-5ម.ម ផ្ទៃខាងលើ និងខាងក្រោមមានរោមពណ៍ដូចសរសៃសូត្រ។

ផ្កា៖ ទោលពណ៍លឿង មាន5ត្របកដុះចេញពីប្រគាបស្លឹក។

ផ្លែ៖ ជាផ្លែស្ងួតរឹង មាន5ជ្រុង ហើយជ្រុងនីមួយៗមានបន្លារឹងស្រួចមានគ្រាប់ច្រើន។

កន្លែងដាំដុះ ៖ ដុះដោយខ្លួនឯងតាមដីទំនេរ មាត់ផ្លូវទូទៅ។
ផ្នែកប្រើប្រាស់៖ រុក្ខជាតិទាំងមូល ផ្លែ។

សមាសធាតុគីមី៖ ផ្លែមាន Alcaloide 0.001% ជាតិប្រេង 3.5% ភាគច្រើន glycezide, gitogenine, tigogenine។ Acid organice ផ្សេងទៀត។

កបនឹងជម្ងឺ៖
-រុក្ខជាតិទាំងមូល៖ បញ្ចុះទឹកនោម នោមតឹង គ្រួសតាមផ្លូវនោម ធ្លាក់ស ខ្សោយក្រលៀន រោគផ្លូវនោម។

-ផ្លែ៖ ឃាត់ឈាម បញ្ចុះនោម បង្កើនទឹកដោះ ជំនួយក្រលៀន ឈាមច្រមុះ ឈឺចង្កេះ កមរមាស់ ឈឺភ្នែក ដំបៅក្នុងមាត់ ខ្វះឈាមក្រហម ក្អកកំហាក ឫសដូងបាត នោមឈឺ ធ្លាក់ឈាម។

កម្រិតប្រើ ៖ 10-12ក្រាមក្នុង១ថ្ងៃ ដាំទឹកផឹក។
+ហាមប្រើ៖ អ្នកមានរោគបេះដូង។

**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទ៖ អ៊ាង សុផល្លែត