១.ការរៀបចំដី និង ធ្វើរង

-សំអាតដីចំការ និង រើសស្មៅចេញឲ្យអស់។

-ភ្ជួរ រាស់ដីឲ្យបានម៉ដ្ឋល្ង​ហើយហាលឲ្យបាន១០ទៅ១៥ថ្ងៃ។

-ភ្ជួរដី(គោក្របីឬ​គោយន្ត)១៥ទៅ២០ស.ម។

+ការលើករងដាំ៖-ទទឹងរងពី៩តឹកទៅ១ម៉ែត្រនិងបណ្ដោយទៅតាមលទ្ធភាពដីដែលកសិករអាច​គ្រប់​គ្រង​​បាន។

-កំពស់នៅរដូវប្រាំងពី២តឹក ទៅ៣តឹកហើយនៅរដូវវស្សាពី៣ទៅ៥តឹក។

-ការដាក់ជីដាក់លាមកសត្វស្ងួតឬជីកំប៉ុស្ដិ៍ ក្នុងបរិមាណពី១ទៅ២​គីឡូក្រាមក្នុងផ្ទៃដី​រ​ង​១ម៉ែ​ត្រការ៉េកប់ទ្រាប់បាតរងដោយច្របល់វាឲ្យសព្វជាមួយដីរង។

-ការគ្របរង​​អាចធ្វើបានពីរប្រភេទដើម្បីទប់ស្កាត់ការហូរច្រោះរង ការពារសំណើមដីបន្ថយ​ការ​។

+ចោះរណ្តៅដាំកូនដោយប្រើកំប៉ុងក្តៅប្រើខ្សែទាញតំរង់ដើម្បីចោះរណ្តៅដាំកូននិងប្រើខ្នាតសម្រាប់ចោះរណ្តៅពីគុម្ពមួយទៅគុម្ពមួយប្រើកំប៉ុងក្តៅសម្រាប់ចោះរណ្តៅលើថង់ប្លាស្ទិចគម្របរងរណ្តៅត្រូវចោះក្បែរទ្រើងសម្រាប់ឲ្យននោងតោងឡើង។

២.ការធ្វើរោងបណ្តុះកូន ការធ្វើរោងបណ្តុះកូនបន្លែ គឺអាចធ្វើឲ្យគ្រាប់ដុះបានល្អ កាត់បន្ថយការរលួយកូន និងអាច​ការពារ​កូន​ដំណាំបានពីការឆ្លងជម្ងឺ​ ពីសត្វល្អិតចង្រៃ(ដែលមកយាយីកូនដំណាំ)។រោងបណ្តុះកូនបន្លែ អាចធ្វើតាមទំហំខាងក្រោម៖ដំបូលសំរាប់គ្របរានៈពី១,៨ទៅ១ម៉ែត្រដើម្បីងាយស្រួលចេញចូលថែទាំកូនបន្លែកំពស់រានៈពី ០,៨ទៅ១ម៉ែត្រ ពីដី-ទទឹងរានៈ ពី ០,៨ ទៅ ១ម៉ែត្រមានដំបូលការពារទឹកភ្លៀង ហើយគ្រនពីលើដំបូលដោយសំណាញ់ដើម្បីកាត់បន្ថយកំដៅថ្ងៃ មាន​ជញ្ជាំង​ធ្វើ​ពី​សំណាញ់មុង ដើម្បីការពារសត្វល្អិត។

៣·ការលាយល្បាយជីសម្រាប់បណ្តុះកូនននោង៖យកដីចំនួន២ភាគលាយជាមួយជីលាមកគោចំនួន១ភាគ ផេះអង្គាមពី៤ទៅ៦ភាគឬ អាច​លាយ​ជាមួយមម៉ោគឬស្រកីដូងចិញ្រ្ចាំឲ្យល្អិតចំនួន១ភាគ។(ផេះអង្កាត្រូវត្រាំទឹករយៈពេលពី៣ ទៅ៤យប់)។យកល្បាយដែលមាន លាយច្របល់ហើយយកទៅលីងឬចំហុយរហូតក្តៅសព្វទាំងអស់។

៥.ការដាំកូនននោង៖ដើម្បីជៀសវាងកូនអន់(សន្លប់)ក្រោយពេលដាំគេត្រូវបន្ថយការស្រោចទឹកកូនននោងនិងដាក់វា​ឲ្យ​ត្រូ​វ​ពន្លឺថ្ងៃរយៈពេលពី២ទៅ៣ថ្ងៃ ដើម្បីពង្រឹងកូន។កូនននោងអាយុពី៧ទៅ១២ថ្ងៃទើបអាចដាំបាន។មុនដាំកូនលើរង ត្រូវបញ្ចូលទឹកតាមចន្លោះរង (សំរាប់រងដាំគ្របប្លាស្ទិច)ឬស្រោចទឹកលើរង ដែល​គ្រប​ដោយ ចំបើង ។ ដាក់ជីគីមីតាមរណ្តៅ រួចច្របល់លាយជាមួយដីឲ្យសព្វ។កប់ជីជម្រៅពី៨ទៅ១០ស.ម​ទុករយៈពេលពី៦ទោ៧ថ្ងៃដោយស្រោចទឹកយ៉ាងតិចពី​ ៥ទៅ៦ដងមុនពេលដាំកូន។ត្រូវដាំកូនននោងនៅពេលល្ងាចមេឃត្រជាក់ល្អ​។

-ដាំកូនននោងត្រឹម​ដីបណ្តុះ(ដីកំណើត)។ហាមដាំកូនននោងកប់លិចដើម(លិចដីបណ្តុះ)ពីព្រោះ​វា​​អាចធ្វើឲ្យដើមរបស់កូនននោងរលួយបាន។របៀបដកកូនបន្លែចេញពី​ថាសបណ្តុះគឺយកម្រាមរុញ​បាតថាសឡើងលើហើយដៃម្ខាងដកកូន​​​បន្លែ​ ​ថ្នមៗពីរន្ធ​ថាសបណ្តុះ ដើម្បីកុំឲ្យដាច់​ឫសកូនបន្លែ។
-ការដាំយើងដាំកូនននោងត្រឹមដីកំណើត

++ការតាក់តែងមែក៖បន្ទាប់ពីដាំបានរយៈពេលពី២៣ទៅ២៥ថ្ងៃហើយ ដើមននោ​ង​ចា​ប់ផ្ដើម​បែកខ្នែង ពីដើមមេ​។គេត្រូវ​កាត់ខ្នែងននោងដុះចេញពីដើមមេ កន្លះម៉ែត្រ ចុះក្រោម(ធម្មតាក្រោមថ្នាំងទី១០ចុះ)ចាប់ពី​ដាំ​កូ​ន​រហូតដល់ដាំបាន ២៥ថ្ងៃ ដើម្បីឲ្យដើមននោង ទទួលជីជាតិចិញ្ចឹមបានគ្រប់គ្រាន់និងលូតលាស់​បាន​លឿន។