ចំណេះដឹងទូទៅ
រូបភាព
មូលហេតុដែលធ្វើអោយមានមុនខ្ទុះក្នុងរន្ធច្រមុះ គឺព្រោះតែស្រទាប់ខាងក្នុងច្រមុះមានចុងសរសៃប្រសាទច្រើនពេក ជាហេតុបង្កឱ្យមុនខ្ទុះងាយនឹងកើតឡើង និងបង្កការឈឺចាប់ពិបាកទ្រាំ។ ជាធម្មតា ពេលកើតមុនខ្ទុះក្នុងរន្ធច្រមុះ គឺពុំគួរយកដៃអេះ ឬប៉ះពាល់វានោះទេ គួរបណ្តោយឱ្យវាចេញមកតាមសម្រួល បើពុំដូច្នោះទេ វានឹងឆ្លងរាលដាលកាន់តែវីវរ។
ខាងក្រោមនេះជា២វិធីសាមញ្ញអាចធ្វើបានតាមផ្ទះ៖
១. ក្រណាត់ជ្រលក់ទឹកក្តៅ
យកក្រណាត់តូចមួយជ្រលក់ទឹកក្តៅ។ ពូតទឹកក្តៅចេញឱ្យវានៅក្តៅឧណ្ហៗ រួចញ៉ុកក្រណាត់ថ្នមៗចូលរន្ធចម្រុះ ទុកចោល៣ ទៅ ៥ នាទី ឬយូរជាងនេះក៏បាន។ អនុវត្ត ៤ ទៅ ៥ ដងក្នុងមួយថ្ងៃ។
២. ទឹកអំបិល
លាយអំបិលកន្លះស្លាបព្រាកាហ្វេ ជាមួយទឹកក្តៅមួយពែង។ យកសំឡីជ្រលក់ទឹកក្តៅ រួចជូតរន្ធចម្រុះថ្នមៗ បន្ទាប់មកយកសំឡីស្ងួតជូតរន្ធច្រមុះឱ្យស្អាត។ អនុវត្តបែបនេះ ២ ទៅ ៣ ដងក្នុងមួយថ្ងៃ។
**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទ៖ អ៊ាង សុផល្លែត
សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។
