គ្មាន
ស្វែងយល់ពីពូជស្រូវក្រអូបសែនពិដោរ ជាពូជស្រូវស្រាលមានអាយុកាលខ្លី ក្រអូបនិងមិនប្រកាន់រដូវ..!!
រូបភាព
សែនពិដោរជាពូជស្រូវស្រាល(អាយុកាលខ្លី)ក្រអូបនិងមិនប្រកាន់រដូវ។បចកច្ចុប្បន្ន ពូជស្រូវសែនពិដោរបាននិងកំពុងរីកសាយភាយនៅក្នុងព្រះរាជាណាចក្រកម្ពុជាដោយពូជស្រូវនេះផ្តល់នូវទិន្នផលខ្ពស់មានក្លិនក្រអូប គុណភាពអង្ករល្អមានភាពថ្លាវែងរលូននិងបាយទន់ឆ្ងាញ់ពិសារទៀតផង។ជាពិសេសទៅទៀតជាពូជដែលមានប្រភេទអង្ករមានតំលៃខ្ពស់នៅលើទីផ្សារជាតិនិងអន្តរជាតិ។
+លក្ខណៈពិសេសៗរបស់ពូជស្រូវសែនពិដោរ៖ដោយសារបូជស្រូវសែនពិដោរជាពូចមិនប្រកាន់រដូវដូចនេះពូជនេះអាចចេញផ្កាបានគ្រប់ពេលវេលាដរាបណាល័ក្ខខ័ណ្ឌដាំដុះអំណោយផល។អាស្រ័យដោយហេតុផលខាងលើនេះទើបពូជសែនពិដោរអាចដាំដុះនៅរដូវវស្សា(ដំណាំទីមួយនៃរដូវ ឬ ស្រូវដើមរដូវ)ក្នុងរដូវវស្សា(ដំណាំទីពីរនៃរដូវ)ចុងរដូវវស្សាស្រូវប្រដេញទឹក(ដំណាំចន្លោះរដូវវស្សានិងរដូវប្រាំង)និងល័ក្ខខ័ណ្ឌប្រាំងស្រោចស្រព។
ពូជស្រូវសែនពិដោរនេះមានអាយុកាលចាប់ពីថ្ងៃសាបរហូតដល់ថ្ងៃប្រមូលផលពី១១០-១២០ថ្ងៃ។កំពស់ដើមរបស់ពូជសែនពិដោរប្រែប្រួលពី ៩៥-១១០ស.ម និង ចំនួនដើមបែកគឺចាប់ពី ៥-២០ដើម ក្នុងមួយគុម្ព។ចំនួនគ្រាប់ក្នុងមួយកួរមានចាប់ពី១១០-១៧០គ្រាប់ និង មានប្រវែងកួរ ២០-៣០ស.ម។ រីឯទិន្នផលរបស់វាវិញគឺអាចទទួលបានចាប់ពី៣,៥តោនទៅ៥,៥តោន ក្នុងផ្ទៃដីមួយហិចតា។
+វិធីសាស្រ្តដាំដុះ
-ប្រើប្រាស់គ្រាប់ពូជដែលសុទ្ធល្អនិងមានអត្រាដំណុះខ្ពស់
-កំរិតបរិមាណគ្រាប់ពូជចាំបាច់៣០-៥០គ.ក្រក្នុងមួយហិចតាសំរាប់ស្រូវសន្ទូង និង៨០-១២០គ.ក្រ ក្នុងមួយហិចតា សំរាប់ស្រូវពង្រួស
-ទីសំណាប ត្រូវធ្វើនៅជិតប្រភពទឹកតែត្រូវឆ្ងាយពីម្លប់ឈើឬកន្លែងមានភ្លើងអគ្គិសនីដើម្បីចៀសវាងការបំផ្លាញពីសត្វល្អិតចង្រៃ
-ផ្ទៃដីសំរាប់សាបគឺ ១គ.ក្រក្នុងផ្ទៃដី១៥-២០ម៉ែត្រការ៉េ
-ជាការល្អគួរស្ទួងសំណាបដែលមានអាយុ២០-២៥ថ្ងៃ ហើយក្នុង១គុម្ព២-៣ដើមក្នុងចន្លោះ២០ស.ម
-គួររៀបចំដីឲបានល្អមុនស្ទូង។ការភ្ជួររាស់ គួរតែធ្វើឲបាន ២-៣សារជាការល្អ។
-បើសិនស្រែយើងអាចបញ្ចេញបញ្ចូលទឹកបាន ពេលស្រូវបែកគុម្ពត្រូវបញ្ចេញទឹកឲ្យអស់ពីក្នុងស្រែក្នុងរយៈពេលពី ២-៤ថ្ងៃ រួចទើបបញ្ចូលទឹកឡើងវិញដើម្បីធ្វើឲស្រូវកាន់តែបែកគុម្ពល្អ។