គ្រឿងផ្សំ៖ បាយ ២កូនចានចង្កឹះ, សាច់ចិញ្ច្រាំ ២០០ក្រាម, ខ្ទឹមចិញ្ច្រាំ ១ស្លាបព្រាបាយ, ម្ទេសចិញ្ច្រាំ​ ១ស្លាបព្រាបាយ, ខ្ទឹមចិញ្ច្រាំ ១ស្លាបព្រាបាយ, ស្លឹកម្រះព្រៅ ១ក្តាប់ដៃ, ទឹកត្រី ១ស្លាបព្រាបាយ, ទឹកប្រេងខ្យង ១ស្លាបព្រាបាយ, ទឹកស៊ីអ៊ីវ ១ស្លាបព្រាកាហ្វេ, ស្ករស ១ស្លាបព្រាបាយ។

វិធីធ្វើ៖

១.ដាំខ្ទះដាក់ប្រេងឆាចូលបន្តិច ដាក់ខ្ទឹមចិញ្ច្រាំ និងម្ទេសចិញ្រ្ចាំចូលរំលីងអោយឈ្ងុយ រួចដាក់សាច់ចិញ្ច្រាំចូលឆាសាច់អោយឆ្អិនបន្តិច

២.បន្ទាប់មកដាក់ទឹកប្រេងខ្យង, ទឹកត្រី, ទឹកស៊ីអ៊ីវ និងស្ករសចូលឆាច្របល់ចូលគ្នាអោយសព្វ ហើយដាក់ស្លឹកម្រះព្រៅចូលឆា ៤-៥ត្រលប់

៣.រួចហើយដាក់បាយចូលឆាច្របល់ចូលគ្នាអោយសព្វល្អ ឆ្អិនហើយដួសដាក់ចានជាការស្រេច៕ ចុចមើលវីដេអូពីវិធីធ្វើនៅខាងក្រោម៖

វីដេអូវិធីធ្វើ៖

សម្រួលអត្ថបទដោយ៖ ស្រីពៅ

សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។