ឱសថពិសេសព្យាបាលរោគដុះសាច់ច្រមុះ អាលាក់ហ្ស៊ីច្រមុះ ឧស្សាហ៍ឈាមច្រមុះ

3954

ព្យាបាល៖ ដុះសាច់ច្រមុះ អាលាក់ហ្ស៊ីច្រមុះ ឧស្សាហ៍ឈាមច្រមុះ


​​ការ​ដុះសាច់ច្រមុះ ជា​រឿង​ធម្មតា វា​មិនមែន​ជា​សាច់​មហារីក​នោះទេ ហើយ​វា​មាន​រាង​ដូច​ដំនក់ទឹកភ្នែក​ដែល​ដុះ​នៅក្នុង​ច្រមុះ ឬ​ក្នុង​ប្រហោង​ឆ្អឹងច្រមុះ ដែល​ជា​កន្លែង​បើក​ចូលទៅ​ក្នុង​ប្រហោង​ច្រមុះ​។​

​ជាទូទៅ វា​តែងតែ​ជាប់​ទាក់ទង​ជាមួយនឹង​ជំងឺ​អា​លែ​ក​ស៊ី ឬ​ជំងឺហឺត​។ ការ​ដុះសាច់ច្រមុះ​អាច​គ្មាន​រោគសញ្ញា​អ្វី​នោះទេ ជាពិសេស ប្រសិនបើ​វា​នៅ​តូច ហើយ​វា​មិន​តម្រូវ​អោយ​មាន​ការព្យាបាល​នោះទេ​។ ប៉ុន្តែ ការ​ដុះសាច់ច្រមុះ​ដែល​មាន​ទំហំ​ធំ​អាច​រាំងស្ទះ​ការបង្ហូរ​ទឹក​ពី​ប្រហោង​ឆ្អឹង​ធម្មជាតិ​។ នៅពេល​ដែល​ទឹករំអិល​ស្ទះ​ច្រើនពេក​នៅក្នុង​ប្រហោង​ឆ្អឹង វា​អាច​ក្លាយទៅជា​ការបង្ក​រោគ ដែល​ធ្វើអោយ​បរិមាណ​ទឹក​កាន់តែ​ច្រើនឡើងៗ ហើយ​ប្តូរ​ទៅ​ជា​ពណ៌​បៃតង​លាយ​លឿង និង​ខាប់​នៅក្នុង​ច្រមុះ និង​បំពង់​ក​។​

​រោគសញ្ញា​នៃ​ការ​ដុះសាច់ច្រមុះ​រួមមាន ៖
-​ ​ការស្ទះ​ច្រមុះ
-​ ​តឹង​ច្រមុះ​
-​ ​កណា្ដ​ស់


-​ ​មាន​ដុំ​សាច់​រាង​តំណក់ទឹក​នៅ​បំពង់ក
-​ ​ហៀរ​សំបោរ
-​ ​ឈឺ​មុខ​
-​ ​ថយ​ចុះ​សមត្ថភាព​ក្នុងការ​ស្រង់ក្លិន​


-​ ​បាត់បង់​ការដឹង​ក្លិន​
-​ ​បាត់បង់​ការដឹង​រស​ជាតិ
-​ ​រមាស់​នៅ​ជុំវិញ​ភ្នែក
-​ ​ការឆ្លង​មេរោគ​រ៉ាំរ៉ៃ​នៅ​ក្នុង​ច្រមុះ​។

រុក្ខជាតិ៖ ស្លឹកម្រះព្រៅ។ ម្រះព្រៅ គឺជាដើមរុក្ខជាតិមួយប្រភេទ មានស្លឹកពណ៌បៃតងខៀវស្រងាត់ ដែលប្រជាពលរដ្ឋកម្ពុជាភាគច្រើន តែងតែប្រើវាធ្វើជាគ្រឿងផ្សំមុខម្ហូប ដ៏ឆ្ងុយឆ្ងាញ់។ ស្លឹកម្រះព្រៅ មិនត្រឹមតែជាគ្រឿងផ្សំមុខម្ហូបដ៏គួរឱ្យចង់ទទួលទានប៉ុណ្ណោះទេ ស្លឹកម្រះព្រៅក៏ជាឱសថធម្មជាតិ ដ៏ស័ក្តសិទ្ធិផងដែរ ក្នុងការព្យាបាលជំងឺផ្សេងៗ។

សូមបងប្អូនឈប់កើតទុក្ខទៀតទៅ ឱសថខាងក្រោមអាចជួយ ព្យាបាលរោគដុះសាច់ច្រមុះ អាលាក់ហ្ស៊ីច្រមុះ ឧស្សាហ៍ឈាមច្រមុះ បាន។ សូមជួយចែករំលែកបន្តដើម្បីឱ្យអ្នកជំងឺនេះបានដឹងផង

វិធីធ្វើ៖
-យកស្លឹកម្រះព្រៅ មកច្របាច់ឈ្លីឲ្យម៉ត់។


វិធីប្រើ និងព្យាបាល៖
-យកទឹកវាបន្តក់ចូលច្រមុះ ម្ខាង១ដំណក់ ឬបុកនៅក្នុងផ្តឹលយកសំឡីត្បាល់ត្រចៀក ច្រលក់មកលាបក្នុងច្រមុះ
-សំរាប់អ្នករលាកធ្ងន់ធ្ងរ ធ្វើ១ថ្ងៃ2ដង ពេលព្រឹក និងមុនពេលចូលគេងយប់។

**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទដោយ៖ អ៊ាង សុផល្លែត

ក្រៅពីជាឱសថព្យាបាលរោគដុះសាច់ច្រមុះ អាលាក់ហ្ស៊ីច្រមុះ ឧស្សាហ៍ឈាមច្រមុះ ហើយម្រះព្រៅក៏អាចព្យាបាលជំងឺបានជាច្រើនមុខ ព្យាបាលឈឺចុកចាប់ជង្គង់ សត្វល្អិតទិច ឬខាំ ក្អក និងឈឺបំពងក គ្រួសក្នុងតម្រងនោម បញ្ចុះជាតិស្ករក្នុងឈាម លើសឈាម!សូមជួយចែករំលែកបន្តជាចំណេះដឹង! ជួយព្យាបាលគ្រួសក្នុងតម្រងនោម
-កិនស្លឹកម្រះព្រៅមួយក្ដាប់
-លាយជាមួយទឹកឃ្មុំមួយពែង
-ទទួលទានជារៀងរាល់ថ្ងៃ ទទួលទានអោយបានទៀងទាត់រយៈពេល ៦ខែនឹងជួយរំលាយដុំក្រួសក្នុងតំរងនោម។

ក្អក និងឈឺបំពង់ក
-ទទួលទានទឹកម្រះព្រៅ (យកស្លឹកម្រះប្រៅក្នុងបរិមាណសមគួរ រួចបុករួចហើយត្រងយកទឹកវាមកផឹក)។

ព្យាបាលឈឺជង្គង់ និងអាការៈឈឺចុកចាប់
-យកជីម្រះព្រៅទាំងដើម ទាំងឫស បុកលាយជាមួយស្រាសបិទលើក្បាលជង្គង់អាចព្យាបាលអាការៈឈឺចុកចាប់បានយ៉ាងងាយ។

សត្វល្អិតទិច ឬខាំ
-បុកពូតយកទឹកពីស្លឹកម្រះព្រៅ១ស្លាព្រាកាហ្វេ
-ហូបជាមួយទឹកកន្លះកែវ

-ហូបបន្តបន្ទាប់រាល់២-៣ម៉ោងម្តង និងបុកស្លឹកស្រស់បិទកន្លែងទិច ឬខាំ
-គេឈ្លីស្លឹកស្រស់លើស្បែក ដើម្បីការពារមិនឱ្យសត្វល្អិតទិច ឬខាំ។

ធ្វើអោយសំរាលកូនស្រួល
-គ្រាប់ម្រះព្រៅ ប្រើជាថ្នាំធ្វើអោយសំរាលកូនស្រួល
ស្លឹកនៅបាននាំយកប្រើសំរាប់ធ្វើអោយឈាមរត់ស្រួល

ក្រៅពីនេះ ម្រះព្រៅអាចព្យាបាលរោគសើស្បែក ក្អករ៉ាំរៃ ជំងឺថ្លើម ហើយវាមានលក្ខណៈប្រឆាំងមេរោគ បញ្ចុះជាតិស្ករក្នុងឈាម បន្ថយសំពាធឈាម ព្រមទាំអាចព្យាបាលអាហារមិនរលាយ  ដោយញ៉ាំវាជាជីផ្សំជាមួយមុខម្ហូប។

**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែអ្នកមិនមានជម្រើសផ្សេង។
សម្រួលអត្ថបទដោយ៖ អ៊ាង សុផល្លែត

SHARE

LEAVE A REPLY

Please enter your comment!
Please enter your name here