វិធីធ្វើស៊ុបផ្សិតសាច់មាន់!

163

គ្រឿងផ្សំ៖

– សាច់មាន់ ២៥០ក្រាម ហាន់ស្តើងៗល្មម (សាច់ទ្រូង សាច់ភ្លៅ តាមចំណងចំណូលចិត្ត)

– ខ្ទិះដូង ១កូនចានចង្កឹះកន្លះ

 

– ផ្សិត ១កូនចានចង្កឹះ (ផ្សិតអីក៏បាន តាមចំណង់ចំណូលចិត្ត)

– ទឹកក្រូចឆ្មា ៣ស្លាបព្រាបាយ

– ទឹកត្រី ២ស្លាបព្រាបាយ

– ស្ករ ១ស្លាបព្រាបាយ

– ដុំស៊ុបមាន់ ១ដុំ

– ទឹក ១កូនចានចង្កឺះ

 

– គល់ស្លឹកគ្រៃ រំដេង ហាន់ និងស្លឹកក្រូចសើច

– ស្លឹកជី និងម្ទេស (ដាក់ក៏បានមិនដាក់ក៏បាន)

 

វិធីធ្វើ៖

១. ដាក់ទឹកចូលឆ្នាំង រួចដាក់គល់ស្លឹកគ្រៃ រំដេង និងស្លឹកក្រូចសើចចូល ទុកឲ្យពុះ បន្ទាប់មកដាក់ដុំស៊ុបមាន់ចូល កូរឲ្យរលាយចូលគ្នាសព្វល្អ

 

២.ដាក់ខ្ទិះដូងចូល កូរឲ្យសព្វ ទុកមួយរំពុះ រួចដាក់សាច់មាន់ចូល កូរចូលគ្នា ទុករម្ងាស់ប្រហែល ១-២នាទី ឲ្យសាច់ឆ្អិន បន្ទាប់មកដាក់ទឹកត្រី ស្ករ និងទឹកក្រូចឆ្មាចូល កូរឲ្យសព្វ ទុករម្ងាស់ប្រហែល ២នាទី ភ្លក់មើលល្មមតាមចំណងចំណូលចិត្ត អាចបន្ថែមអំបិលបន្តិចក៏បាន

 

៣. ដាក់ផ្សិត និងម្ទេសចូល កូរចូលគ្នា ទុកប្រហែល ២នាទី ឆ្អិនហើយដួសដាក់ចាន រួចដាក់ស្លឹកជីចូល ជាការស្រេច។

 

សម្រួលអត្ថបទដោយ៖ កូនពៅ

SHARE

LEAVE A REPLY

Please enter your comment!
Please enter your name here