ផ្ទីអាចម៍មាន់អាចព្យាបាលជំងឺ រលាកពោះវៀនតូច ឫសដូងបាតជុះចេញឈាម មួល ព្រមទាំងអាចព្យាបាល ហើមអញ្ចាញធ្មេញ លាសដោះ បូស សត្វល្អិតទិច ក្អែប-ខ្ទួយ ខ្យាដំរីទិច ពស់ចឹកថែមទៀតផង

3010

*ព្យាបាលជំងឺ៖ មួល រលាកពោះវៀនតូច ឫសដូងបាតជុះចេញឈាម ហើមអញ្ចាញធ្មេញ លាសដោះ បូស សត្វល្អិតទិច ក្អែប-ខ្ទួយ ខ្យាដំរីទិច ពស់ចឹក

*វិធីធ្វើ និងវិធីប្រើប្រាស់៖

-រុក្ខជាតិទាំងមូល

-ហាលឱ្យស្ងួត ដាំផឹក ១៥-៣០ក្រាម ក្នុង ១ថ្ងៃ។

-បើស្រស់ បុកផឹក ឬដាំផឹក ៥០-១០០ក្រាម  ១ថ្ងៃ។

-បើសត្វមានពិសទិច ឬខាំ ឲ្យយករុក្ខជាតិនេះទាំងស្រស់ បុកពួតយកទឹកផឹក។

ប្រភព៖​ មជ្ឈមណ្ឌលជាតិស្រាវជ្រាវវេជ្ជសាស្ត្របូរាណ

ផ្ទីយកមកស្ងោររសជាតិឈ្ងុយឆ្ញាញ់ពិសាណាស់!

————————————

>>>ច្បាប់ល្បើកថ្មី បណ្តាំក្រុម ង៉ុយ “ផ្ទីអាចម៍មាន់”>>>

កុំជិះកុំជាន់ ស្មៅផ្ទីអាចម៍មាន់
ពាក្យចាស់ឧបមា បុរាណហៅផ្ទី
ពីរបីប្រការ កុំស៊ីត្រង់ណា
ជុះដាក់ត្រង់ហ្នឹង។

សាច់សាលោហិត កុំផ្តួលផ្តេកផ្តិត
ផ្តួចទោសកើតប្តឹង អាពុកផ្តែផ្តាំ
ចូរចាំចេះថ្លឹង សាច់ថ្លើមសួតឆ្អឹង
និងស្បែកខាងក្រៅ។

សាច់សួតក្នុងខ្លួន ទុកស្មើបងប្អូន
ប្រពន្ធកូនចៅ សរសៃនិងស្បែក
ចែកជាញាតិផៅ ខ្ញុំស្រីខាងក្រៅ
ជាស្មៅអាចម៍មាន់។

ស្រីខ្ញុំកំដរ បើឃើញរូបល្អ
កុំលលូកលាន់ កុំលួចលបលេង
ក្រែងម្ចាស់គេទាន់ កុំភប់កុំភាន់
អាប់អន់អាត្មា។

ដកស្រង់ពី ច្បាប់ល្បើកថ្មី
បណ្តាំក្រុម ង៉ុយ

—————————————

>>>វិធីធ្វើក្រូចងាំង៉ូវ>>>
ក្រូចឆ្មា​មិន​ត្រឹម​តែ​ផ្តល់ ​អត្ថប្រយោជន៍​ជា​ច្រើន​សម្រាប់សុខភាព​យើង​ទាំងប៉ុណ្ណោះទេ វាថែមទាំង​ជាគ្រឿង​ផ្សំ​ដែល​ធ្វើឲ្យ​ម្ហូប​​កាន់តែ​មានរស់​ជាតិ​ឆ្ងាញ់​ថែម​ ទៀត។ ​អត្ថបទខាងក្រោមនេះ​បង្ហាញ​ពី​វិធីធ្វើ ក្រូច​ងាំង៉ូវ ដែល​អាច​រក្សាទុក​ប្រើប្រាស់បាន​យូរ។ pickled limes

+ គ្រឿងផ្សំ

– ​ក្រូចឆ្មា ១០ផ្លែ

– ស្ករត្នោត ១ស្លាបព្រាបាយ

– អំបិល ៣ស្លាបព្រាបាយ

– ទឹកខ្មេះ ៤ស្លាបព្រាបាយ

– ទឹក ១លីត្រ

 

+ វិធីធ្វើ

១. មុន​ដំបូង​យក​ក្រូច​ឆ្មា​មក​​លុញ​ឲ្យ​ទន់​ បន្ទាប់មក​​​​យក​វា​ទៅ​ស្រុះ​ក្នុង​ទឹក​​​កំពុង​ដាំពុះ​​ប្រហែល​ជា​ ៥នាទី។

២. ​៥នាទី​ក្រោយ​មក​​ស្រង់​យក​មក​លាង​ទឹក​ត្រ​ជាក់​ រួច​ហើយ​ដាក់​ហាល​ថ្ងៃ​ឲ្យ​ក្រៀម​ប្រហែល​ជា ២-៣ថ្ងៃ។

៣. បន្ទាប់​ពីហាល​ថ្ងៃ​ស្ងួតហើយ​យក​វា​​មក​ច្រក​ចូល​ក្នុង​ក្រឡរ។

៤. យក​ស្ករត្នោត​ដាក់​ចូល​ក្នុង​ឆ្នាំង​ ចាក់​ទឹក​បន្តិចរួច​កូរ​វា​ឲ្យ​​ស្អិត​ឡើង​ជើង​អង្ក្រង។

៥. ដាក់​ទឹក​អំបិល និងទឹកខ្មេះ​ចូល​​​កូរ​វា​​ឲ្យ​​រលាយ​​រួច​​​ដាំ​​​ឲ្យ​ពុះ​ បន្ទាប់​ពី​ទឹក​ពុះ​ហើយ​ត្រូវ​បិតភ្លើង​ទុក​ទឹក​នោះ​អោយ
​ត្រជាក់។

៦. ពេល​ដែលទឹក​ត្រ​ជាក់​យក​វា​ទៅ​ចាក់​ចូល​ ឬក៏ដួសដាក់​ក្នុង​ក្រឡរ​ដែល​បាន​ដាក់​ក្រូច​ចូល​​​​ទុក​វា​មួយ​សប្តាហ៍អាចយក វា​ទៅ​ប្រើបាន​ហើយ៕


ប្រភពៈ ផ្សារកសិកម្មយើង

SHARE

LEAVE A REPLY

Please enter your comment!
Please enter your name here