បច្ចេកទេសដាំជីវ៉ាន់ស៊ុយ និងអត្ថប្រយោជន៍ផ្នែកសុខភាពដ៏សម្បូរបែបរបស់ជីវ៉ាន់ស៊ុយ

702

ជីវ៉ាន់ស៊ុយមាន ២ប្រភេទ គឺពូជស្លឹកឆែកធំៗ និងពូជស្លឹកឆែកតូចៗល្មម។ ប្រភេទពូជជីវ៉ាន់ស៊ុយ ស្លឹកឆែកធំៗ គឺជាពូជដែលពេញនិយមលើទីផ្សារប្រចាំថ្ងៃ។


១. ការរៀបចំដី
– ភ្ជួរដីហាល ៣-៤ថ្ងៃ រួចភ្ជួរឱ្យម៉ដ្ឋ
– លើករងទទឹង ៨តឹក បណ្តោយតាមទំហំដី កម្ពស់ ១តឹក
– សងខាងរងត្រូវលើកដីឱ្យខ្ពស់ជាងផ្នែករងកណ្តាល
– ពង្រាបដីកណ្តាលរងឱ្យស្មើ។


២. ការរៀបចំដាំ
– កិនបំបែកគ្រាប់ពូជជីវ៉ាន់ស៊ុយ
– ព្រោះគ្រាប់ពូជលើរង
– ដាក់ជីកំប៉ុស ដីដំបូក
– គ្របចំបើងពីលើ
– ស្រោចទឹក។


៣. ការថែទាំ
– ស្រោចទឹក ១ថ្ងៃ ២ដង ព្រឹក និងល្ងាច
– បោចស្មៅ ជ្រួយដី។


* ជីវ៉ាន់ស៊ុយលូតលាស់មិនសូវល្អ បើប្រើជីគីមី។
៤. ការប្រមូលផល
– ក្រោយដាំបាន ៩០ថ្ងៃ អាចប្រមូលផលបាន។

ប្រភព៖ សៀវភៅបៃតង កសិកម្ម ភាគ១

អត្ថបទសុខភាពទាក់ទងនឹងជីវ៉ាន់ស៊ុយ៖ មិននឹកស្មាន ស្លឹកជីវ៉ាន់ស៊ុយក៏អាចព្យាបាលមុន ស្នាមជ្រួញ និងអាឡែស៊ីកម្តៅថ្ងៃបានដែរ

វិធី​ធ្វើ​ជីវ៉ាន់ស៊ុយ​សម្រាប់​ធ្វើឱ្យ​សម្រស់​ស្បែក​មុខស្រស់​ស្អាត​៖

​    ​* គ្រឿងផ្សំ​៖

​    ​- ទឹកក្រូច​ឆ្មារ ១ ស្លាបព្រា​កាហ្វេ​

​    ​- ទឹក ២០០ មីលីលីត្រ​

​    ​- ជីរវ៉ាន់ស៊ុយ​ហាន់​រួច ២ ស្លាបព្រា​បាយ​។​

​   វិធី​ធ្វើ​៖

​- ចាក់ទឹក​ចូលក្នុង​ឆ្នាំង​ដាំ​ឱ្យ​ពុះ

– ​ដាក់​ជីរវ៉ាន់ស៊ុយ​ចូល បើកភ្លើង​តិចៗ និង​ទុកចោល ១៥ នាទី​

– ​ដក​ឆ្នាំង​ចេញ និង​ទុកចោល​ឱ្យ​វា​ត្រជាក់​។ ពេល​ត្រជាក់ ចាក់ទឹក​ក្រូចឆ្មា​ចូល​

– ចាក់​វា​ចូលក្នុង​ដប និង​ទុក​វា​ក្នុង​ទូទឹកកក​។​

វិធីប្រើប្រាស់៖

– យកមក​លាប​លើ​មុខ​ដូចជា​ក្រែ​ម​លាបមុខ​ដែរ

– លាប​ព្រឹក​ម្ដង និង​ល្ងាច​ម្ដង​។

ក្រែ​ម​ជីរវ៉ាន់ស៊ុយ​នេះ​នឹងធ្វើ​ស្បែក​អ្នក​មើលទៅ​ពោរពេញ​ទៅដោយ​ពន្លឺ​រស្មី​ និង​សុខ​ភាពល្អ​។ ជីរវ៉ាន់ស៊ុយ​សម្បូរ​ទៅដោយ​ជាតិ​រ៉ែ និង​វីតាមីន ហើយ​ទឹក​របស់​វា​មាន​ជាតិ​ប្រេង​សំខាន់ ដោយ​ជាតិ​ប្រេង​នោះ​ផ្ទុក​នូវ​សារធាតុ​ម៉ាញ៉េ​ស្យូ​ម និង​ប៉ូ​តា​ស្យូ​ម​។​

អត្ថបទដកស្រង់៖ ផ្សារកសិកម្មយើង

អានអត្ថបទបន្ថែម៖ »វិធីធ្វើភេសជ្ជៈជួយសំអាតតម្រងនោម និងឈាមរបស់យើង! សាកល្បងដើម្បីទទួលបានសុខភាពល្អទាំងអស់គ្នា!
តម្រងនោមមានតួនាទីយ៉ាងសំខាន់ក្នុងការសំអាតនូវសារធាតុពុលដែលមាននៅក្នុងឈាមរបស់យើងជាប្រចាំថ្ងៃ។

ខាងក្រោមនេះជាវិធីធ្វើភេសជ្ជៈសម្រាប់ជួយលាងសំអាតតម្រងនោមរបស់យើងឲ្យមានសុខភាពល្អ៖

-យកជីវ៉ាន់ស៊ុយមួយក្តាប់ធំលាងទឹកឲ្យស្ងាត

-ដាក់ដាំស្ងោរជាមួយទឹក១លីត្រ រយៈពេល១០នាទី

-យកទឹករបស់វារក្សាឲ្យត្រជាក់ ។

វិធីប្រើប្រាស់៖

ពិសារ១កែវរាល់ពេលព្រឹកមុនទទួលទានអាហារ នោះអ្នកនឹងទទួលអារម្មណ៍ថាមានភាពប្រសើរជាងមុនក្នុងរាងកាយអ្នក។

SHARE

LEAVE A REPLY

Please enter your comment!
Please enter your name here