រុក្ខជាតិ៖ ត្រឡាច

ផ្នែកប្រើប្រាស់៖ ប្រើសំបកផ្លែទុំ គ្រាប់ សាច់ ឫស។

កន្លែងដាំដុះ៖ ដាំជាចំការ ឬដាំអោយវារឡើងទ្រើង នៅក្បែរផ្ទះ ដើម្បីធ្វើជាបន្លែ។

រសជាតិ៖ មានជាតិផ្អែម ធាតុត្រជាក់ គ្មានជាតិពុល។

ការព្យាបាល​៖

-ត្រឡាចទាំងមូល ព្យាបាលហើម ពិបាកនោម ស្រេកទឹក ក្តៅទ្រូង កើតបូសញឹកញាប់។

-សំបកផ្លែទុំ ព្យាបាលរលាកប្លោកនោម និងហើម។

-គ្រាប់លីង ព្យាបាលក្អក ពស់ចឹក កើតពិស ព្រូន។

-ស្លឹក លាងអោយស្អាត បុកអោយម៉ត់ លាយទឹកខ្មេះ បិតព្យាបាលពិសកើតនៅចុងម្រាម។

-ឫស ដាំទឹកហូបព្យាបាលអុតស្វាយ។

កំរិត និងរបៀបប្រើ៖

-សំបកផ្លែទុំស្ងួត ១៥-៣០ក្រាម។

-គ្រាប់ទុំស្ងួត ១០-២៥ក្រាម ដាំទឹកហូប។

-ឫស ១៥-៣០ក្រាម ដាំទឹកហូប។​

**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។

សម្រួលអត្ថបទដោយ៖ អ៊ាង សុផល្លែត

ឯកសារយោង៖ មជ្ឈមណ្ឌលជាតិស្រាវជ្រាវវេជ្ជសាស្រ្តបូរាណ