ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
ឱសថបុរាណធម្មជាតិ

ឱសថធម្មជាតិព្យាបាលស្លាប់ដៃជើង ខ្សោយប្រព័ន្ធសរសៃប្រសាទ ខ្សោយកម្លាំងសាច់ដុំ

16-Jul-2018 04:28 PM

រូបភាព


ដោយ: Uddam

ព្យាបាលជំងឺ៖ ស្លាប់ដៃជើង ខ្សោយប្រព័ន្ធសរសៃប្រសាទ ខ្សោយកម្លាំងសាច់ដុំ

ប្រភេទរុក្ខជាតិ៖ ស្លែងធំ។ ស្លែងធំ ជារុក្ខជាតិដើមធំ កំពស់១២-១៣ម។ មែករលីងគ្មានបន្លា សំបកប្រផះ។ ស្លឹកទល់ទង រលីង រឹង រលោង ខាងផ្ទៃលើមានទ្រនុង៣-៥។ កញ្ចុំផ្កាទងវែងខាងគល់ ខ្លីនៅខាងចុងចេញពីចុងមែក។ ផ្កាពណ៌ស។ ផ្លែរាងមូលមានជាតិទឹកច្រើនសំបករឹងក្រាស់ រលីងពណ៌លឿង ពេលទុំពណ៌ក្រហមមានគ្រាប់ច្រើនរាងមូលសំប៉ែតមានខ្លីក្រាស់។

+កន្លែងដាំដុះ ៖ ជារុក្ខជាតិដុះក្នុងព្រៃធំខ្ពស់រាប និងទំនាប។


វិធីធ្វើ និងវិធីប្រើប្រាស់៖
– កម្រតិប្រើសំរាប់មនុស្សពេញវ័យ ០.០៥ក្រាម ចំណិតគ្រាប់បានកែឆ្នៃរួចហើយប្រើម្ដងទៅបីដងក្នុងមួយថ្ងៃ ដាំផឹក ឬប្រើជាម្សៅ។

បើសិនជាប្រើប្រាស់តាមកម្រិតត្រឹមត្រូវ ជាថ្នាំលើកកម្លាំងកោសិកានៃសសៃប្រសាទ និងសសៃវិញ្ញាណទាំងអស់។

***បញ្ជាក់៖ ស្លែងមានជាតិពុលខ្លាំង ត្រូវប្រើដោយប្រុងប្រយ័ត្នបំផុត។***

**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។

សម្រួលអត្ថបទ៖ អ៊ាង សុផល្លែត
ឯកសារយោង៖ រុក្ខជាតិឱសថកម្ពុជា