សុខភាព និងសម្រស់
អានហើយអ្នកនឹងភ្ញាក់ផ្អើល! ការអង្គុយច្រើនម៉ោងក្នុងមួយថ្ងៃ អ្នកអាចប្រឈមនឹងបញ្ហាសុខភាពទាំង៥នេះ
រូបភាព
ការសិក្សាស្រាវជ្រាវឲ្យដឹងថា ជាមធ្យមមនុស្សពេញវ័យចំណាយពេលជិត ៨ម៉ោង ក្នុង១ថ្ងៃ ដើម្បីអង្គុយ នោះអ្នកវិទ្យាសាស្ត្រចាត់ទុកថា តួលេខនេះពិតជាគួរឲ្យខ្លាច ។ ក្នុងសង្គមទំនើប មនុស្សបានចំណាយពេលវេលាសឹងតែទាំងអស់ ដើម្បីអង្គុយពេលធ្វើការ មើលទូរទស្សន៍ អង្គុយក្នុងរថយន្ត អង្គុយមុខកុំព្យូទ័រ។ អ្នកវិទ្យាសាស្ត្រអះអាងថា ការអង្គុយច្រើននឹងបំព្រួញអាយុរបស់មនុស្ស ។
១. អង្គុយច្រើនធ្វើឲ្យធាត់
រឿងនេះប្រហែលជាមិនគួរឲ្យភ្ញាក់ផ្អើលទេចំពោះអ្នក អង្គុយកាន់តែច្រើននោះលទ្ធភាពឡើងទម្ងន់កាន់តែខ្ពស់។ អ្នកអង្គុយច្រើនមានហានិភ័យខ្ពស់ត្រូវធាត់ ស្ថានភាពនេះមិនចំណុះទៅលើការហាត់ប្រាណ ។
២. មិនល្អសម្រាប់បេះដូង
ទម្លាប់អង្គុយតិច និងចលនាច្រើន អ្នកនឹងមានបេះដូងមួយដ៏មាំមួន ។ អ្នកអង្គុយច្រើនពុំសូវធ្វើចលនានឹងកើន ៩០% នៃហានិភ័យកើតជំងឺបេះដូង ។
៣. ធ្វើឲ្យថយចុះកូឡេស្តេរ៉ូល
ការស្រាវជ្រាវជាច្រើនបង្ហាញថា របៀបរបបរស់នៅសកម្ម ធ្វើឲ្យថយចុះបរិមាណកូឡេស្តេរ៉ូលល្អ (HDL)។ ក្នុងពេលមនុស្សមាន HDL ច្រើន នោះនឹងបន្ថយបានហានិភ័យគាំងបេះដូង និងដាច់សរសៃឈាមខួរក្បាល ។ អ្នកស្រាវជ្រាវទូន្មានថា គ្រប់គ្នាគួរអង្គុយតិចជាង ៣ម៉ោង ក្នុង១ថ្ងៃ ដើម្បីមានសុខភាពល្អ និងបង្កើនបន្ថែមអាយុ។
៤. ធ្វើឲ្យកើនការប្រឈមយារសរសៃឈាម
យើងទាំងអស់គ្នាសុទ្ធតែមានសរសៃឈាមនៅជើង ។ យារសរសៃឈាម ជាស្ថានភាពកំណត់សរសៃឈាមយារធំ វែងចេញ និងអាចមើលឃើញក្រវិចក្រវៀនលើស្បែក។ ធម្មតានោះ វាគ្រាន់តែធ្វើឲ្យបាត់សម្ផស្សលើជើងរបស់អ្នក តែវាក៏បង្កឲ្យឈឺ និងពិបាកទ្រាំណាស់ ។
៥. ងាយកើតជំងឺទឹកនោមផ្អែមប្រភេទទី២
អង្គុយយូរពុំត្រឹមតែឥទ្ធិពលរូបរាងរបស់អ្នកប៉ុណ្ណោះទេ តែក៏មានហានិភ័យខ្ពស់ ងាយនឹងកើតជំងឺទឹកនោមផ្អែមប្រភេទទី២ ។