ឯកសារកសិកម្ម
រូបភាព
+សម្ភារត្រូវមាន៖
-កេសស្នោដាក់ផ្លែឈើចំនួន២-ស្កុត១ដុំ-ដែកគោលអង្កាម១ខាំ-បំពង់ទីប ដែកអ៊ីណុកទំហំ៥ហ៊ុន ប្រវែង៥តឹក-សំណាញ់ជ័រ៥តឹក
-ចង្កៀងប្រេងកាតតូច១-ក្រដាសអាលុយមីញ៉ូម១ដុំធំ-ទែម៉ូម៉ែត្រវាស់កម្តៅ១-ចានដាក់ទឹក២-ជំនៀរឈើតូចៗ ជម្រាកស្តើងៗ
+របៀបធ្វើទូភ្ញាស់
-យកកេសផ្លែឈើមកសម្អាត និងកាត់ឱ្យបានស្មើល្អជាងមុន
-បន្ទាប់មក យកក្រដាសអាលុយមីញ៉ូម បិទឱ្យជាប់នៅផ្ទៃខាងក្នុងនៃកេសឱ្យជិតល្អ ហើយចាប់ផ្តើមយកជំនៀរឈើតូចៗ មកដំ គាបសំណាញ់ជ័រជុំវិញ ដែលមានទទឹង និងបណ្តោយតាមទំហំប្រវែងទូ និងទុកចោះប្រហោងចំកណ្តាលដើម្បីដាក់បំពង់ទីប
-បន្ទាប់មក ចាប់ផ្តើមចោះទ្វារបិទបើកទូទំហំប្រហែល ១,២តឹក បួនជ្រុង ចំនួន២ខាងលើ ១សម្រាប់ដាក់ពង និងទែម៉ូម៉ែត្រ ខាងក្រោមសម្រាប់ដាក់ទឹក និងចង្កៀងដុតកម្តៅជាការស្រេច
+របៀបដាក់ពងមាន់ភ្ញាស់
-យកពងមាន់ពីសម្បុកដែលមេកំពុងពង មកទុកឱ្យបានច្រើន ទើបចាប់ផ្តើមដាក់ក្នុងទូភ្ញាស់
-ក្នុងទូមួយ ដាក់បានចំនួន៨០-៨៥គ្រាប់ ក្នុងទូនោះ យើងចាប់ផ្តើមអុចចង្កៀងឱ្យមានកម្តៅត្រឹម ៣៧-៣៨អង្សាសេ មិនឱ្យកម្តៅខ្ពស់ និងទាបជាងនោះទេ
-ត្រូវបង្វិលពងរាល់៣-៤ដងនៅពេលថ្ងៃ និង១-២ដងក្នុងមួយយប់ នៅពេលយប់ ការធ្វើបែបនេះ រហូតដល់២០-២១ថ្ងៃ ទើបកូនមាន់ញាស់
សម្រួលអត្ថបទ៖ អ៊ាង សុផល្លែត
